যোহন 5:17 - Chakma Bible

¹⁷ সেক্কে তে সেই নেতাগুনোরে কলঅ, “ম বাপ্পো নিত্য কাম গরের্ আর মুইয়ো গরঙর্।”

যোহন 5:17 ပူးပေါင်းရင်းမြစ်များ

গীতসংহিতা 65:6

তর্ খেমতালোই বেক মুড়ো-মুড়িগুন থিয়্যেই আগন্; ইয়েন্দোই ফগদাং অয় তুই খেমতাবলা।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

মথি লেখ্যে গম্ হবর্ 10:29

দ্বিবে চড়ই পেগ্ কি কম্ দামে বেজা ন-যায়? তো তমা বাপ গোজেনর্ অনুমতি বাদে তারার্ এক্কোয়ো মাদিত্ ন-পড়ে;

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 14:10

তুই কি বিশ্বেজ্ ন-গরচ্ যে, মুই বাবা সমারে আঘং আর বাবা মঅ সমারে আঘে? যেদক্কানি কধা মুই তমারে কং সিয়েনি মুই নিজোত্তুন্ ন-কং, মাত্তর্ বাবা, যে মঅ সমারে আঘে, তেয়ই তা কামানি গরের্।

যোহন 5:16

জিরেবার্ দিনোত্ যীশু এ বেক্‌ কামানি গোজ্যে বিলি যিহূদী নেতাগুনে তারে মারে ফেলেবাত্তে চেষ্টা গুরিলাক্।

যোহন 5:18

যীশুর এ কধানত্যে যিহূদী নেতাগুনে তারে মারে ফেলেবাত্যে ফন্দি গরা ধুরিলাক্, কিয়া তে যে বানা জিরেবার্ দিনুনোর সুদোম্ ভাঙে সিয়েন্ নয়, গোজেনরে নিজোর্ বাপ্ বিলি ডাগিনে নিজোরে গোজেন সং অ গোজ্যে।

যোহন 9:4

যে মরে পাধেয়্যে, বেল্ থাগদে থাগদে তা কামানি গরানা আমার্ দরকার্। রেত্ এজের্, সেক্কে কেঅ কাম্ গুরি ন-পারিবাক্।

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

প্রেরিত্‌ 17:28

কিয়া তা বল্লোই আমি জিংকানি কাদেই আর আঢাউদো গুরিই আহ্ জেদায়ো থেই। তমারে কয়েক্কো কবিয়ো কোইয়োন, আমিয়ো তার্ পুয়ো।

১ করিন্হীয় 12:6

আমা পত্তিজনরে নানান্ বাবোত্যে কাম্ দিয়্যে ওইয়্যে, মাত্তর্ একই গোজেনে নানান্ উপায়ে আমা পত্তিজন ইধু কাম গুরি থায়।

কলসীয় 1:16

কিত্যেই আগাজত্ আর পিত্‍‌‌‌‍‌‍থিমীত, যিয়েনি দেগা যায় আর যিয়েনি দেগা ন-যায়, বেক্কানি তা মাধ্যমে সৃট্টি ওইয়্যে। দাঙর্ অাগাজত্ যিগুনো আঢত্ রাজাগিরি, দোঙেবার, শাসন আর খেমতা আঘে তারারে বেক্কুনোরে তাঁরে দিইনে তাত্যেই সৃট্টি গরা ওইয়্যে।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।