যোহন 5:10 - Chakma Bible

¹⁰ ইয়েনত্তে যে মানুচ্চোরে গম্ গরা ওইয়্যে তারে যিহূদী নেতাগুনে কলাক্, “এচ্চ্যে জিরেবার্ দিন্; ধর্মর্ সুদোম্ মজিম্ পাদিবো তুলি লনা তর্ উজিত্ নয়।”

যোহন 5:10 ပူးပေါင်းရင်းမြစ်များ

যিশাইয় 58:13

“যুনি তুমি জিরেবার দিন্নো পালঅ আর মর্ সুদ্ধো-সাংগ দিন্নো নিজোরে হুজি ন-গরঅ, যুনি জিরেবার দিন্নোরে ফুত্তিবলা ন-গরঅ আর লগেপ্রভুর দিন্নোরে সর্মানর যগাজ্যে মনে গরঅ, যুনি নিজো হুজি ধোক্ক্যেন ন-চলিনে সেই দিন্নোর সর্মানান্ রাগঅ আর যিয়েন হুজি সিয়েন ন-গরঅ বা বাজে কধা ন-কঅ,

যিরমিয় 17:21

লগেপ্রভু কোইয়্যেদে, ‘তুমি উজিয়ার অ; জিরেবার দিনোত্ কনঅ বুদি ন-বুয়োবা বা যিরূশালেমর গেট্‌তোদি সিগুন ভিদিরে ন-আনিবা। ‍‌‍‍‍‍‍

যিরমিয় 17:27

মাত্তর্ যুনি তুমি মঅ কধা ন-শুনো আর জিরেবার দিন্নোরে মঅ নাঙে যুদো গুরি ন-রাগঅ আর সে দিনোত্ বুধিলোই যিরূশালেমর গেদো ভিদিরেদি চমঅ, মাত্তর্ যিরূশালেমর বেক্ গেট্‌তুনোদি মুই আগুন জ্বালেম আর সিয়েনে তার ঘরানি পুড়ি ফেলেব। সে আগুনান কনজনে মারেই ন-পারিবো।’ ”

মথি লেখ্যে গম্ হবর্ 12:10

সিয়েনত্ এক্কো মানুচ্ এলঅ যিবের্ এক্কান আঢ্ অবস্ এলঅ। কয়েক্কো মানুচ্ সিয়েনত্ এলাক্ যিগুনে যীশুরে ভান্ন্যেই কাম গরের্ বিলিনে দুষ্ দেদন, সেনত্যে তারে পুযোর্ গুরিলাক্, “জিরেবার দিনোত্ কাররে গম্ গরানা কি আমার রীতি সুদোম বিরুদ্ধে?”

মার্ক 2:24

সেক্কে ফরীশীগুনে যীশুরে কলাক্, “ধর্মর সুদোম্ মজিম্ জিরেবার দিনোত্ যিয়েন্ গরানা উচিত্ নয় সিয়েন তারা কিত্ত্যে গত্তন্?”

মার্ক 3:4

সে পরেদি তে মানুচ্চুনোরে পুযোর্ গুরিলো, “জিরেবার দিনোত্ কিজু গরানা আমা সুদোমে কি কয়? সিয়েন কি সাহায্য না কি ক্ষতি? জিংকানিগান রোক্ষ্যে গরানা উচিত, না ভস্ত গরানা উচিত?” মাত্তর্ তারা কনঅ কিজু ন-কলাক্।

লূকে লেখ্যে গম্ হবর্ 13:14

যীশু জিরেবার্ দিনোত্ গম্ গোজ্যে বিলি সমাজ-ঘর নেতাবো তোচ্চ্যে পেইনে মানুচ্চুনোরে কলঅ, “কাম্ গুরিবাত্যে দঅ ছয় দিন আঘে। সেনত্তে জিরেবার্ দিনোত্ ন-এইনে সেই ছয় দিনো ভিদিরে এইনে গম্ অ।”

লূকে লেখ্যে গম্ হবর্ 23:56

সে পরেদি তারা ফিরি যেইনে তা কিয়্যেগানত্তে তুম্বাজ্ মজলা আর মলম্ বানেলাক্। ইয়েনর্ পরেদি তারা মোশির উগুম্ মজিম্ জিরেবার্ দিনোত্ জিরেলাক্।

লূকে লেখ্যে গম্ হবর্ 6:2

সেক্কে কয়েক্কো ফরীশী পুযোর্ গুরিলাক্, “ধর্মর্ সুদোম্ মজিম্ জিরেবার্ দিনোত্ যিয়েন গরানা উচিত নয়, তুমি সিয়েন গরর্ কিত্তে?”

যোহন 1:19

যেক্কে যিহূদী নেতাগুনে যিরূশালেম শঅরত্তুন্ কয়েক্কো ধর্মগুরু আর লেবীয়রে যোহন ইধু পাধেল সেক্কে যোহনে তারা ইধু এ সাক্ষিগান্ দিলো। তারা পুযোর্ গুরিলাক্, “তুই কন্না?”

যোহন 5:11

সেক্কে তে সেই নেতাগুনোরে কলঅ, “মাত্তর্ যে মরে গম্ গোজ্যে তেয়ই মরে কোইয়্যেদে, ‘তঅ বিচ্ছোনান্ তুলি লোইনে আঢি বেড়া।’ ”

যোহন 5:15

সেক্কে সে মানুচ্চো যেইনে যিহূদী নেতাগুনোরে কলঅ, তারে যে গম্ গোজ্যে, তে যীশু।

যোহন 5:16

জিরেবার্ দিনোত্ যীশু এ বেক্‌ কামানি গোজ্যে বিলি যিহূদী নেতাগুনে তারে মারে ফেলেবাত্তে চেষ্টা গুরিলাক্।

যোহন 7:23

ভারী গম্, মোশির সুদোমান্ ন-ভাঙিবাত্যে যুনি জিরেবার্ দিনোত্-অ পুয়োগুনোরে চুনু মাঢা কাবা যায়, সালে মুই জিরেবার্ দিনোত্ এক্কো মান্‌জ্যরে পুরোপুরি গম্ গোজ্যং বিলি তুমি মঅ উগুরে রাগ্ গরর্ কিত্ত্যে?

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।