যোহন 4:48 - Chakma Bible

⁴⁸ যীশু সেই রাজার্ চাগর্‌বোরে কলঅ, “কনঅ চিহ্নো বা কনঅ আমক্ অবার্ কাম ন-দেগিলে তুমি কনঅ বাবদে বিশ্বেজ্ ন-গুরিবা।”

যোহন 4:48 ပူးပေါင်းရင်းမြစ်များ

দানিয়েল 4:2

দাঙর্ গোজেনে মত্তে যেদক্কানি চিহ্নো-কাম আর আমক্ কাম গোজ্যে সিয়েনি মুই হুজি ওইনে তমারে জানাঙর্।

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

মথি লেখ্যে গম্ হবর্ 16:1

পরেদি কয়েক্কো ফরীশী আর সদ্দূকী যীশুরে পোরোক্ষ্যে গুরিবাত্তে তাইধু এলাক্ আর স্বর্গত্তুন কনঅ চিহ্নো দেগেবাত্তে কলাক্।

মথি লেখ্যে গম্ হবর্ 24:24

সেনত্যে সেক্কে বোউত্ ফক্কর্ মশীহ আর ফক্কর্ ভাববাদী এবাক্ আর আমক্ অবার্ চিহ্নো কাম্ গুরিবাক্ যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

মথি লেখ্যে গম্ হবর্ 27:42

“তে অন্যগুনোরে রোক্ষ্যে গুরিদো, মাত্তর্ নিজোরেয়ো রোক্ষ্যে গুরি ন-পারে! তে কি ইস্রায়েলর রাজা নয়? ইক্কিনে ক্রুশোত্তুন্ তে লামি এজোক্। সালে আমি তা উগুরে বিশ্বেজ্ গুরিবোং।

মার্ক 13:22

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

লূকে লেখ্যে গম্ হবর্ 10:18

যীশু তারারে কলঅ, “মুই শদানরে স্বর্গত্তুন্ আগাজ ঝিমিলেনি ধোক্ক্যেন্ গুরি পত্তে দেখ্যং।

লূকে লেখ্যে গম্ হবর্ 16:31

“সেক্কে অব্রাহামে কলঅ, মোশি আর ভাববাদীগুনোর্ কধা যুনি তারা ন-শুনোন্ সালে মরাগুনোত্তুন্ কেঅ উদিলেয়ো তারা বিশ্বেজ্ ন-গুরিবাক্।”

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 15:24

যেদক্কানি কাম্ আর কেঅ কনদিন্‌অ ন-গরন্ সে কামানি যুনি মুই তারা ইধু ন-গত্তুং সালে তারার্ দুষ্ ন-অদঅ। মাত্তর্ ইক্কিনে তারা মরে আর মঅ বাপ্পোরে দেক্ক্যন্ আর ঘিনেয়োন্।

যোহন 2:18

সেক্কে যিহূদী নেতাগুনে যীশুরে পুযোর্ গুরিলাক্, “মাত্তর্ এ বেক্কানি গুরিবার্ অধিকারান্ যে তর্ ঘেচ্চেক্‌গুরি আঘে সিয়েনর্ প্রমাণ তুই কি আমারে দেগেই পারচ্?”

যোহন 20:29

যীশু তারে কলঅ, “থোমা, তুই কি মরে দেক্ক্যচ্ বিলি বিশ্বেজ্ গোজ্যস্? যিগুনে ন-দেগিনে বিশ্বেজ্ গরন্ তারা বর্ পেইয়্যে।”

যোহন 4:49

সেক্কে সেই রাজার্ চাগর্‌‌বো কলঅ, “দোয়্যে গুরিনে মঅ পুয়োবো মুরিবার্ আগেদি আয়।”

প্রেরিত্‌ 14:3

পৌল আর বার্ণবা সেই শঅরত্ বেশ্ কয়েক দিন থেলাক্ আর সাহচ্‌ গুরিনে প্রভুর কধানি কুয়ো ধুরিলাক্। প্রভুর দোয়্যে পৌইদ্যেনে তারা যিয়েনি ফগদাং গোজ্জ্যন্ সেই কধানি যে বিশ্বেজ্ গুরিবার প্রভু সিয়েনি প্রমাণ গুরিবাত্যে পৌল আর বার্ণবারে আমক্ আমক্ কাম্ গুরিবার খেমতা দিলো।

প্রেরিত্‌ 15:12

সেক্কে তেম্মাঙত্ বেক্কুনে জুরো ওই গেলাক্ আর পৌল আহ্ বার্ণবার মাধ্যমে গোজেনে অযিহূদীগুনো ভিদিরে যেদক্কানি আমক্ কাম্ গোজ্যে সিয়েনি তারা মুয়োদি শুনো ধুরিলাক্।

প্রেরিত্‌ 2:19

মুই উগুরে আগাজত্ আমক্ আমক্ ঘটনা দেগেম্, আর তলেদি পিত্‌থিমীত নানান্ বাবোত্যে চিহ্নো দেগেম্, অত্তাৎ লো, আগুন আর বোউত্ ধূমো দেগেম্।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 2:43

বেক্কুনে ভোক্তি গুরিনে দোরেলাক্, আর প্রচারক্কুনে ভালোক্কানি আমক্ কাম আর চিহ্নো কাম গরা ধুরিলাক্।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

প্রেরিত্‌ 6:8

স্তিফান গোজেনর দোয়্যে আর খেমতালোই পরিপূরোণ ওইনে মানুচ্চুনো ভিদিরে ভালোক্কানি আমক্ আমক্ কাম্ গরা ধল্ল।

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

১ করিন্হীয় 1:22

যিহূদীগুনে চিহ্ন ইজেবে আমক্ অবার্ কাম দেগিবাত্তে চান্, গ্রীককুনে জ্ঞানানরে তগান্,

২ করিন্হীয় 12:12

বোউত্ ধৈজ্জ্য ধুরিনে তমা ইধু নানান্ বাবোত্যে মহৎ আর আমক্ অবার্ কাম গুরিনে মুই নিজোরে এক্কো প্রচারক বিলিনে প্রমাণ গোজ্জ্যং।

২ থিষলনীকীয় 2:9

সেই অবাধ্যবলা মরদ্‌‌তো যেক্কে এবঅ সেক্কে তা সমারে থেবঅ শদানর্ খেমতা। সেই খেমতাগান ফগদাং পেবঅ নানান্ বাবোত্যে মিজে চিহ্নোলোই, আমক্ অবার্ কাম আর খেমতাবলা কাম ভিদিরে,

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।