যোহন 4:42 - Chakma Bible

⁴² সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

যোহন 4:42 ပူးပေါင်းရင်းမြစ်များ

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 52:10

লগেপ্রভু বেক্ জাদ্‌তুনোর চোগো মুজুঙোত্ তার পবিত্র খেমতাবলা আঢ্‌‌তান ফগদাং গুরিবো, আর পিত্‌থিমীর বেক মানুচ্চুনে আমা গোজেনর্ উদ্ধোর কামানি দেগিবাক্।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 11:17

যীশু সিধু লুমিনে কোই পারিলোদে, চের্ দিন আগে লাসাররে গারা ওইয়্যে।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 4:29

“তুমি এইনে এক্কো মান্‌জ্যরে চগি। মুই জিংকানিত্ যিয়েনি গোজ্যং সিয়েনি বেক্কানি তে মরে কোই দিয়্যে। সালে তেয়ই কি সেই মশীহ?”

যোহন 4:41

সেক্কে তা কধা শুনিনে আরঅ ভালোক্কুন্ মান্‌‌জ্যে বিশ্বেজ্ গুরিলাক্।

প্রেরিত্‌ 13:23

গোজেনে তার্ এগেম্ মজিম এ মানুচ্চো গুট্টিত্তুন্ উদ্ধোর গুরিয়্যে যীশুরে ইস্রায়েলীয়গুনো ইধু আজির্ গোজ্জ্যে।

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।