যোহন 4:41 - Chakma Bible

⁴¹ সেক্কে তা কধা শুনিনে আরঅ ভালোক্কুন্ মান্‌‌জ্যে বিশ্বেজ্ গুরিলাক্।

যোহন 4:41 ပူးပေါင်းရင်းမြစ်များ

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

লূকে লেখ্যে গম্ হবর্ 4:32

তা শিক্ষ্যেলোই মানুচ্চুনে আমক্ অলাক্, কিয়া তে এমন মান্‌জ্য ধোক্ক্যেন্ কধা কোইয়্যে যিবের্ অধিকার আঘে।

যোহন 4:40

তারা যীশু ইধু যেইনে তারে তারা সমারে থেবাত্তে কোজোলী গুরিলাক্। সেনত্তে যীশু সিধু দ্বিদিন্ থেলঅ।

যোহন 4:42

সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 8:12

মাত্তর্ ফিলিপে যেক্কে গোজেনর্ রেজ্য আর যীশু খ্রীষ্ট পৌইদ্যেনে গম্ হবর্ প্রচার গুরিলো সেক্কে মানুচ্চুনে তা কধালোই বিশ্বেজ্ গুরিলাক্ আর মরদ আহ্ মিলেগুনে বাপ্তিষ্ম লুয়ো ধুরিলাক্।

প্রেরিত্‌ 8:25

ইয়েন পরেদি পিতর আর যোহনে প্রভু পৌইদ্যেনে সাক্ষি দিয়্যে আর তা কধানি ফগদাং গুরিনে যিরূশালেমত্ ফিরি গেলাক্। যেবার্ পধত্ তারা শমরীয়গুনোর ভালোক্কানি আদামত্ গম্ হবর্ ফগদাং গুরিলাক্।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।