যোহন 4:34 - Chakma Bible

³⁴ সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 4:34 ပူးပေါင်းရင်းမြစ်များ

ইয়োব 23:12

তা উগুমানিত্তুন্ মুই সুরি ন-এজং; মর্ নিত্য খাইদে জিনিজোত্তুন্অ বেশ্ তা মুয়ো কধানি মুই বোউত্ দাম দুয়োং।

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

মথি লেখ্যে গম্ হবর্ 9:19

সেক্কে যীশু আহ্ তা শিচ্চ্যগুনে উদিনে তা সমারে গেলাক্।

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

লূকে লেখ্যে গম্ হবর্ 2:49

যীশু তারারে কলঅ, “তুমি কিত্তে মরে তোগেইয়ো? তুমি কি হবর্ ন-পহ্ যে, মঅ বাব ঘরত্ মত্তুন্ থাহ্ পুড়িবো?”

যোহন 17:4

তুই যে কামানি মরে গুরিবাত্যে দুয়োচ্ সিয়েনি থুম্ গুরিনে এ জগদত্ মুই তর্ মহিমাগান্ ফগদাং গোজ্যং।

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

যোহন 19:30

যীশু সেই সিরকা হানার্ পরেদি কলঅ, “থুম্ অলঅ।” সিয়েন পরেদি তে মাঢা নিগিরিনে তা আত্মাগান্ গোজেই দিলো।

যোহন 4:32

যীশু তারারে কলঅ, “ম ইধু এমন্‌ হানা আঘে যিয়েনর কধা তুমি কোই ন-পার।”

যোহন 5:30

মুই নিজোত্তুন্ কিচ্চু গুরি ন-পারং; যেবাবোত্যে শুনোং সেবাবোত্যে বিচের্ গরং। মুই গমেডালে বিচের্ গরং, কিয়া মুই মঅ আওজ্ মজিম্ কাম্ গুরিবাত্তে ন-চাং মাত্তর্ যে মরে পাধেয়্যে তা আওজ্ মজিম্ কাম্ গুরিবাত্তে চাং।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

যোহন 8:29

যে মরে পাধেয়্যে তেয়ই মঅ সমারে আঘে। তে মরে গায় গায় গুরি ইরি ন-দে, কিয়া যে কামত্ তে হুজী অয় মুই নিত্য সেই কামান গরং।”

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।