যোহন 4:24 - Chakma Bible

²⁴ গোজেনে আত্মা; যিগুনে তার্ উবোসনা গরন্, আত্মায় আর সত্যলোই তারার্ সে উবোসনা গরা পুরিবো।”

যোহন 4:24 ပူးပေါင်းရင်းမြစ်များ

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যোহন 4:23

মাত্তর্ এমন্‌ সময় এজের্, এমন্‌ কি, ইক্কিনে সেই সময় এচ্চ্যে যেক্কে আজল্ উবোসনা গুরিয়্যেগুনে আত্মায় আর সত্যলোই বাবার্ উবোসনা গুরিবাক্। বাপ্পোয়ো এবাবোত্যে উবোসনা গুরিয়্যেগুনোরে তগায়।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 3:17

এই প্রভুই অলঅ পবিত্র আত্মা; আর যিয়েনত্ প্রভুর আত্মা সিয়েনত্ স্বাধীনতা।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”