যোহন 4:22 - Chakma Bible

²² তুমি যিবেরে ন-চিনো সিবের্ উবোসনা গুরি থাগঅ, মাত্তর্ আমি যিবেরে জানিই তার্ উবোসনা গুরিই, কিয়া পাপত্তুন্ উদ্ধোর্ পেবার্ পথ যিহূদীগুনোর্ মাধ্যমে এচ্চ্যে।

যোহন 4:22 ပူးပေါင်းရင်းမြစ်များ

পত্থম 49:10

যেদকদিন সং শীলো ন-লুমেগি আর বেক্‌ জাদতুনে তা উগুমানি মানি চলন, সেদক্‌দিন সং দাঙর সাজা-যিহূদা বংশত্‌ থেবঅ; আর তা দ্বিবে আদু সংমোধ্যে থেবঅ বিচের লুদিক্‌।

ইষ্রা 4:2

সেই শত্রুগুনে যেক্কে সরুব্বাবিল আর বংশর নেতাগুনো ইদু এইনে কলাক্, উবোসনা-ঘর বানেবার কামত্ আমিয়ো তমা সমারে মিজেবং, কিত্যে তমা ধোক্ক্যেন আমিয়ো তমা গোজেনর্ আওজ্ মজিম্ চলিবাত্তে চেট্ট্যা গুরির। আসিরিয়ার রাজা এসর-হদ্দোন আমা ইদু আনিবার পরেত্তুন্ ধুরি গোজেনর্ নাঙে আমি য়েমান-উৎর্সগ গুরি এজির্।

গীতসংহিতা 147:19

যাকোব ইদু তে তার্ কধানি ফগদাং গোজ্যে, ইস্রায়েল ইদু ফগদাং গোজ্যেদে তার সুদোম আর আইন-কানুনানি।

গীতসংহিতা 68:20

আমা গোজেনে এবাবোত্যে গোজেন যিবে উদ্ধোর্ গরে; প্রভু লগেপ্রভু মরণত্তুন্ রোক্ক্যে গরে।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 17:23

কিয়া মুই ঘুরি বেড়েবার্ অক্তত্ তমা উবোসনার্ জিনিস্‌‌‌চানি যেক্কে চাঙর্ সেক্কে এমন্‌ এক্কো পূজো দেগিলুং যিবে উগুরে লেগা আঘে, অচিনে দেবেদার্ নাঙে। তুমি ন-চিনিনে যিবের্ উবোসনা গরর্ তা পৌইদ্যেনে মুই তমা ইধু প্রচার গরঙর্।

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

রোমীয় 11:18

সালে ভাঙি ফেল্ল্যে ডেলাগুনোত্তুন্ নিজোরে দাঙর্ মনে ন-গুরিচ্। যুনি গরচ্ সালে মনত্ রাগেচ্, তুই গড়াগানরে ধুরি ন-রাগর্ বরং গড়াগানে তরে ধুরি রাগেয়্যে।

ইব্রীয় 7:14

ইয়েন সাব্ কধা যে, আমা প্রভু যিহূদার বংশত্তুন্ এচ্চ্যে। এই বংশত্তুন্ কনঅ মানুচ্‌ যে ধর্মগুরু অবঅ সে কধাগান মোশি কনদিন্‌অ ন-কয়।