যোহন 4:20 - Chakma Bible

²⁰ আমা পূরোণি মানুচ্চুনে এ মুড়োবোত্ উবোসনা গুরিদাক্, মাত্তর্ তুমি কোই থাগ যিরূশালেমত্ মানুচ্চুনোর্ উবোসনা গরানা উজিত্।”

যোহন 4:20 ပူးပေါင်းရင်းမြစ်များ

১ রাজাবলী 9:3

লগেপ্রভু তারে কলঅ, তুই যে তবনা আর কোজোলিগান মইদু গোজ্যস্‌ সিয়েন্‌ মুই শুন্ন্যং। তর্‌ বানেয়্যে এ তবনা-ঘরান্‌ জিংকানিবর্‌ মর্‌ থেবারঘর্‌ ইজেবে মঅ নাঙে যুদো গোজ্যং। ইয়েন উগুরে নিত্য মঅ চোখ্‌কুন্‌ আর মনান্‌ থেবঅ।

১ বংশধর 21:26

দায়ূদে সিদু লগেপ্রভুর নাঙে এক্কো ডালিপূজো বানেল আর পূজ্যে-উৎসর্ব আর উদোলোলি-উৎসর্বর পরব্‌ গুরিলো। তে লগেপ্রভু ইদু কোজোলি গুরিলো আর লগেপ্রভু পূজ্যে-উৎসর্বর ডালিপূজো উগুরে স্বর্গত্তুন্‌ আগুন্‌ পাধেইনে জোব্‌ দিলো।

১ বংশধর 22:1

ইয়েন পরেন্দি দায়ূদে কলঅ, “গোজেন লগেপ্রভুর ঘর আর ইস্রায়েলর পূজ্যে-উৎসর্বর ডালিপূজো ঘরান্‌ ইয়োদোই অবঅ।”

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

২ বংশধর 7:12

পরেন্দি এক্‌ রেদোত্‌ লগেপ্রভু শলোমনরে দেগা দিইনে কলঅ, মুই তর্‌ তবনাগান শুন্যং আর উৎসর্বর অনুষ্ঠানান্‌ গুরিবাত্তে ঘর ইজেবে মত্তে মুই এ জাগায়ান বেঈ লোইয়োং।

২ বংশধর 7:16

এ উবোসনা-ঘরান্‌ মুই বেঈ লোইনে উমরত্তে মর্‌ থেবার্‌জাগা ইজেবে মঅ নাঙে যুদো গোজ্যং। ইয়েন উগুরে আমিঝে মঅ চোগকুন্‌ আর মনান্‌ থেবঅ।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 78:68

মাত্তর্ বেঈ নেযেল যিহূদা-গুট্টির চাগালাগান সেই সিয়োন মুড়োবো যিবেরে তে কোচ্‌পেদ।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

লূকে লেখ্যে গম্ হবর্ 9:53

মাত্তর্ যীশু যিরূশালেমত্ যার্ বিলি সে আদাম মানুচ্চুনে তারে মানি ন-ললাক্।

যোহন 4:12

তুই আমা পূরোণিমানুচ্ যাকোবত্তুন্ দঅ দাঙর্ নয়। এ কুয়োবো তে আমারে দিয়্যে। তে নিজে আর তা পুয়োগুনে এ কুয়োবোত্তুন্ পানি হেদাক্ আর তার্ য়েমানুনেয়ো হেদাক্।”

দ্বি’লম্বর বিররণ 11:29

গজক্ গুরিবাত্তে তুমি যে দেজত্‌ সোমেবাত্তে যর্‌ তমা গোজেন লগেপ্রভু যেক্কে সে দেজত্‌ তমারে নেযেব সেক্কে গরিষীম মুড়োবো উগুরেত্তুন্‌ সে আশিদ্‌বাদর্‌ কধানি তুমি ফগদাং গুরিবা আর অভিশাবর কধানি ফগদাং গুরিবাদে এবল মুড়োবো উগুরেত্তুন।

দ্বি’লম্বর বিররণ 27:12

তুমি যর্দন গাঙান পার্‌ ওই যেবার্‌ পরেন্দি যেক্কে লগেপ্রভুর আশিদ্‌বাদ ফগদাঙ গরা অবঅ সেক্কে শিমিয়োন, লেবি, যিহূদা, ইষাখর, যোষেফ আর বিন্যামীন-গুট্টির মানুচ্চুনে গরিষীম মুড়োবো উগুরে থেবাক।