যোহন 4:14 - Chakma Bible

¹⁴ মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 4:14 ပူးပေါင်းရင်းမြစ်များ

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিরমিয় 31:25

মুই বল্‌পোজ্যেগুনোরে তাজা গুরিম আর বল্‌পোজ্যেগুনোর মনানি দরমর গুরিম‍।” ‍‍‍‍‍‍‍‍‍‍‍‍‍

যিহিষ্কেল 47:9

যিয়েনদি এ গাঙান্ বেঈ যেবঅ সিয়েনত্ নানান্ বাবোত্যে ঝাকবলা জেদা পরানবলা আর বোউত্ মাছ বজত্তি গুরিবাক্। এ পানিগান যিয়েনদি বেঈ যেবঅ সিদুগোর্ পানিগান মিদে গুরি তুলিবো; সেনত্তে যিয়েনদি গাঙান্ বেঈ যেবঅ সিয়েনর্ বেক্কানি বাঁজিবো।

লেবীয় 11:36

মাত্তর্‌ সিগুন যুনি কনঅ‌ উইপুদ্ অথবা কূয়ো ভিদিরে পড়ন্‌ ছালে সে উইপুদোত্‌ বা কূয়োবো ফিবলা ন-অবঅ; মাত্তর্‌ ইগুনোর্‌ মরাকিয়্যেগানি যে ধুরিবো তে নিজে ফিবলা অবঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

যোহন 11:26

যে জেদা আঘে আর মঅ উগুরে বিশ্বেজ্ গরে তে কনদিন্অ ন-মুরিবো। তুই কি এ কধাগান্ বিশ্বেজ্ গরচ্?”

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:11

মিলেবো কলঅ, “মাত্তর্ তত্তুন্ পানি তুলিবাত্যে কিচ্চু নেই আর কূয়োবোয়ো গভীন্। সালে সেই জেদা পানিগান্ কুত্তুন্ পেলে?

যোহন 4:13

সেক্কে যীশু কলঅ, “যে কেঅ এ পানিগান্ খায় তার আরঅ তিরেচ্‌ পেবঅ।

যোহন 4:36

যে শোজ্য কাবে তে ইক্কিনে বেতন পার্ আর উমর্‌‌অ জিংকানিত্যে শোজ্য থুবেই রাগার্। সিয়েনত্যে যে বীজ্ সিদে আর যে শোজ্য কাবে, দ্বিজনে সং সং গুরি হুজী অন্।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:35

যীশু তারারে কলঅ, “মুয়ই সেই জিংকানি-রুটিগান্। যে মইধু এজে তাত্তুন্ কনদিন্অ পেট্ ন-পুরিবো। যে মঅ উগুরে বিশ্বেজ্ গরে তাত্তুন্ আর কনদিন্অ পানি তিরেচ্‌ ন-পেবঅ।

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

ফগদাং পেইয়্যে 7:16

ইগুনোর্ আর পেট্ ন-পুরিবো, তিরেচ্অ ন-পেবঅ; বেলানর্ তেজ্‌‌চান ইগুনো কিয়্যেত্ আর ন-লাগিবো,

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”