যোহন 3:36 - Chakma Bible

³⁶ যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 3:36 ပူးပေါင်းရင်းမြစ်များ

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

গীতসংহিতা 49:19

তো তার পূরোণি মানুচ্চুনোর ইদু তাত্তুন্ যাহ্ পুরিবো যিগুনে আর্ কনদিন্‌অ দিনো পহ্‌‌‌রান ন-দেগিবাক্।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

লূকে লেখ্যে গম্ হবর্ 2:30

কিয়া মান্‌জ্যরে পাপত্তুন্ উদ্ধোর্ গুরিবাত্তে বেক্ মানুচ্চুনোর্ চোগো মুজুঙোত্ তুই যে বেবস্থা গোজ্যস্, মুই সিয়েন দেখ্যং।

লূকে লেখ্যে গম্ হবর্ 3:6

মান্‌জ্যরে পাপত্তুন্ উদ্ধোর্ গুরিবাত্তে গোজেনে যিয়েনি গোজ্যে, বেক্ মানুচ্চুনে সিয়েনি দেগিবাক্।’ ”

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 4:36

যে শোজ্য কাবে তে ইক্কিনে বেতন পার্ আর উমর্‌‌অ জিংকানিত্যে শোজ্য থুবেই রাগার্। সিয়েনত্যে যে বীজ্ সিদে আর যে শোজ্য কাবে, দ্বিজনে সং সং গুরি হুজী অন্।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:58

ইয়েন সেই রুটিগান্ যিয়েন স্বর্গত্তুন্ লামি এচ্চ্যে। তমা পূরোণি মানুচ্চুনে যে রুটিগান্ হেইনেয়ো মুরি যেয়োন্ ইয়েন সেবাবোত্যে রুটি নয়। এ রুটিগান্ যে হেবঅ তে উমরত্যে জিংকানি পেবঅ।”

যোহন 8:51

মুই তমারে ঘেচ্চ্যেক্‌গুরি কঙর্, কেঅ যুনি মঅ কধা মজিম চলন্ সালে তে কনদিন্অ ন-মুরিবো।”

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

রোমীয় 4:15

কারন রীদি-সুদোম গোজেনর্ সাজাগানরে ডাগি আনে। আর সত্যগান কধে কি, যিয়েনত্ রীদি-সুদোম নেই সিয়েনত্ রীদি-সুদোম অমান্য গুরিবার প্রশ্নয়ো নেই।

রোমীয় 5:9

সালে খ্রীষ্টর্ লো-গান্দোই যেক্কে আমারে নিদ্দুজি বিলি মানা ওইয়্যে সেক্কে আমি খ্রীষ্টর্ মাধ্যমে গোজেনর্ সাজাত্তুন্ খামাক্কায় রেহাই পেবং।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

গালাতীয় 3:10

পবিত্র বোইবোত্ লেগা আঘে, “সেই মানুচ্চো অভিশাব্ পেইয়্যে, যে রীতি-সুদোমত্ লেগা পত্তি কধা ন-পালায়।” সালে দেগা যায়, যিগুনে রীতি-সুদোম্ পালানা উগুরে নির্ভর গরন্ তারার্ বেক্কুনো উগুরে এ অভিশাব্‌পান আঘে।

ইফিষীয় 5:6

মিজে কধাবাত্তালোই যেন কেউ তমারে ভুল্ পধেদি ন-নেযায়, কিয়া যিগুনে অবাধ্য ওইনে সেবাবোত্যে কাম্ গরন গোজেন সাজা তারা উগুরে লামি এজে।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 5:9

শাজা পেবাত্যে নয় মাত্তর্ আমা প্রভু যীশু খ্রীষ্টর্ মাধ্যমে উদ্ধোর্ পেবাত্যে গোজেনে আমারে ঠিগ্ গুরি থোইয়্যে।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 3:18

আর কাইধু বা গোজেনে খাম হেইনে কোইয়্যেদে, তারা তার্ দিয়্যে জিরেবার জাগানত্ যেই ন-পারিবাক্? তারা কি সেই মানুচ্চুন নয় যিগুনে তারে অবিশ্বেজ গুরিনে অমান্য গোজ্জ্যন?

ইব্রীয় 3:19

ইয়েনত্ দেগা যায় যে, তারার্ অবিশ্বেজর্ কারনে তারা গোজেনর্ দিয়্যে জিরেবার জাগানত্ যেই ন-পারন।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”