35 বাবে পুয়োরে কোচ্পায় আর তা আঢত্ বেক্কানি দিয়্যে।
পরেদি তে যোষেফরে কলঅ, “যুদিয়ো মুই এজঅ সং রাজা আগং তো গোদা মিসর দেজ মানুচ্চুনে তঅ উগুমে উদোন-বজন্ গুরিবাক্।”
পেত্ পরায়্ দুখ্ পেইনে মিসর দেজর মানুচ্চুনে যেক্কে ফরৌণ ইধু যেইনে হানা চেলাক্ সেক্কে ফরৌণে তারারে কলঅ, “তুমি যোষেফ ইধু যঅ । তে তমারে যিয়েন্ গুরিবাত্তে কয়্, তুমি সিয়েন গরঅ।”
তুই মইদু চাহ্, সেক্কে সোম্বোত্তি ইজেবে মুই তঅ আঢত্ অযিহূদী জাদ্তোরে দিম; পুরো পিত্থিমীগান তঅ গজগত্ এবঅ।
সেক্কেনে মুয়ই কালিগর্ ইজেবে তা কায়কুরে এলুং। দিনকে দিন মুই খুজি ওইনে তা মুজুঙোত্ নিত্য ফুত্তি গুরিদুং;
লগেপ্রভু কোইয়্যেদে, “চাহ্, মঅ চাগর্বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্তুনো ইদু ন্যায়বিচের্ আনিবো।
সেই মান্জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্অ ভস্ত ন-অবঅ।
মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।
পিতরে যেক্কে কধা কর্ সেক্কে এক্কান্ পোত্পোত্যে মেঘে তারারে নাঢি ফেলেল। সেই মেঘ্কানত্তুন্ এ কধাগান্ শুনো গেলঅ, “ইবেই মর্ কোচ্পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”
সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্থিমীর বেক্ খেমতাগান্ মরে দিয়্যে ওইয়্যে।
সেক্কে স্বর্গত্তুন্ কুয়ো অলঅ, “ইবেয়ই মর্ কোচ্পানার্ পুয়ো, ইবে উগুরে মুই অমকদ হুজি।”
মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।
যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।
বাবা যেবাবোত্যেগুরি মরে কোচ্পেইয়্যে মুইয়ো সেবাবোত্যেগুরি তমারে কোচ্পেইয়োং। মঅ কোচ্পানা লগে থাগঅ।
তুই তারে বেক্ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্অ জিংকানি দি পারে।
অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্পাচ্ সেধোক্ক্যেন্ গুরি তারারেয়ো কোচ্পেয়োচ্।
মুই তারা ইধু তরে ফগদাং গোজ্যং আহ্ আরঅ ফগদাং গুরিম্, যেন তুই মরে যেধোক্ক্যেন্ কোচ্পাচ্ সেধোক্ক্যেন্ কোচ্পানা তারা মনত্ থায়, আর মুই যেন তারা সমারে এগত্তর্ থাং।”
বাবে পুয়োবোরে কোচ্পায় আর তে নিজে যিয়েনি গরে বেক্কানি পুয়োবোরে দেগায়। তে ইয়েনিত্তুন্ আরঅ দাঙর্ দাঙর্ কাম পুয়োবোরে দেগেব, যেন পুয়োবোরে সেই বেক্ কামানি গত্তে দেগিনে তুমি আমক্ অ।
বাবে কারঅ বিচের্ ন-গরে, মাত্তর্ বেক্ বিচেরর্ ভারান্ পুয়োবোরে দিয়্যে,
পবিত্র বোইবোর্ কধা মজিম,“তে বেক্কানি তার্ টেঙ তলাত্ থোইয়্যে।” বেক্ জিনিস্চানি অধীনোত্ থুয়ো ওইয়্যে কলে গমেডালে বুঝো যায়, যিবে বেক্ জিনিস্চানি খ্রীষ্টর্ অধীনোত্ থোইয়্যে সেই গোজেনে নিজোরে বাদ দিইনে সিয়েনি গোজ্জ্যে।
গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।
মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।
যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।
