যোহন 3:34 - Chakma Bible

³⁴ গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 3:34 ပူးပေါင်းရင်းမြစ်များ

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

যিশাইয় 59:21

তারাত্তে মর্ বেবস্থাগান ইয়েন: মর্ যে আত্মাগান তমা উগুরে আঘে আর মর্ যে কধাগান মুই তমা মুয়োনত্ দুয়োং সিয়েন তমার, তমা ঝি-পুয়োগুনোত্তুন্ আর তারার বংশধরুনো মুয়োত্তুন্ সিয়েনি ন-যেবঅ; সিয়েনি ইক্কেত্তুন ধুরি উমর সং থেবঅ। মুই লগেপ্রভু এ কধাগান কঙর্।”

লেবীয় 7:35

হারোণ আর তার্‌ পূঅগুনোরে যেদিন্যে ধর্মগুরু্‌ ইজেবে লগেপ্রভুর্ সেবা গুরিবাত্তে নেযা ওইয়্যে সেদিন্যে লগেপ্রভুর্ নাঙে আগুন্দোই-গোজ্যে উৎসর্বর য়েমানত্তুন্‌ এ ভাগ্‌কান্‌ তারার্ পাওনা বিলি ঠিগ্ গুরি রাগা ওইয়্যে।

গণাণা 11:25

সেক্কে লগেপ্রভু সেই মেঘ ভিদিরে গুরি লামি এইনে মোশি সমারে কধা কলঅ। মোশি উগুরে যে আত্মাগান্‌ এলঅ তাঁরে তে সেই সত্তুরজন বুড়ো নেতা উগুরেয়ো দিলো। যেক্কে সেই আত্মাগান্‌ তাঁরা উগুরে এলঅ সেক্কে কয়েকদিনোত্তে তাঁরা ভাববাদী ইজেবে কধা কোইয়োন।

মথি লেখ্যে গম্ হবর্ 12:18

চঅ, মঅ চাগর্ যিবেরে মুই বেঈ লোইয়োং। ইবেয়ই মর্ কোচ্‌পেইয়্যে মানুচ্ যিবে উগুরে মুই হুজি। মুই তা উগুরে মঅ আত্মাগান্ দিম, আর তে অযিহূদীগুনো ইধু ন্যায়বিচের ফগদাং গুরিবো।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

যোহন 15:26

যে এজাল্ দিয়্যেবোরে মুই বাবা ইত্তুন্ তমা ইধু পাধেই দিম্, তে যেক্কে এবঅ সেক্কে তেয়ই মঅ পৌইদেনে সাক্ষি দিবো। তে অলঅ সত্যর্ আত্মা যিবে বাবাত্তুন্ এবঅ।

যোহন 16:7

তো মুই তমারে সত্য কধা কঙত্তে, মর্ যানাগান্ তমা পক্ষে গম্, কিয়া মুই ন-গেলে সেই সাহায্যগুরিয়্যেবো তমা ইধু ন-এবঅ। মাত্তর্ মুই যুনি যাং সালে তারে তমা ইধু দি পাধেম্।

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 5:26

ইয়েনর্ কারনান্ অলঅ, বাপ্পো নিজে যেবাবোত্যেগুরি জিংকানির্ অধিকারী সেবাবোত্যেগুরি তে পুয়োবোরেয়ো জিংকানির্ অধিকারী অবাত্তে দিয়্যে।

যোহন 7:16

জোবত্ যীশু তারারে কলঅ, “মুই যে শিক্ষ্যেগান্ দুয়োং সিয়েন মর্ নিজোর্ নয়, মাত্তর্ যে মরে দিপাধেয়্যে, তার্।

যোহন 8:40

গোজেনত্তুন্ যে সত্যগান্ মুই হবর্ পেইয়োং সিয়েনই তমারে কঙর্, আর তো তুমি মরে মারে ফেলেবাত্তে চর্; মাত্তর্ অব্রাহামে এবাবোত্যে ন-গরে।

যোহন 8:47

যে মানুচ্চো গোজেনর্, তে গোজেনর্ কধা শুনে। তুমি গোজেনর্ নয় বিলি গোজেন কধা ন-শুনো।”

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

রোমীয় 8:2

জিংকানির্ গিরোজ্‌সো পবিত্র আত্মার্ সুদোমান্দোই খ্রীষ্ট যীশুর্ মাধ্যমে মরে পাপ আর মরণর্ সুদোমত্তুন্ উদ্ধোর্ গোজ্জ্যে।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

ফগদাং পেইয়্যে 21:6

মরে তে আরঅ কলঅ, “থুম্ ওইয়্যে। মুই আল্‌ফা আর ওমিগা-আরাম্ভ আর থুম্। যাত্তুন্ তিরেচ্‌ পেয়্যে মুই তারে জিংকানি-পানির্ পয়নালাত্তুন মাগানা পানি হেবাত্যে দিম।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।