যোহন 3:31 - Chakma Bible

³¹ যিবে উগুরেত্তুন্ এজে তে বেক্কুনো উগুরে। যিবে পিত্‌থিমীত্তুন্ এজে তে পিত্‌থিমীর, আর তে পিত্‌থিমীর কধা কয়। মাত্তর্ যে স্বর্গত্তুন্ এজে তেয়ই বেক্কুনো উগুরে।

যোহন 3:31 ပူးပေါင်းရင်းမြစ်များ

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

যোহন 1:15

যোহনে তা পৌইদ্যেনে রঅ ছাড়িনে সাক্ষ্য দিইনে কলঅ, “তেয়ই সে মানুচ্চো যিবে পৌইদ্যেনে মুই কোইয়োং, যে মঅ পরেদি এজের্ তে মত্তুন্ বেশ্ দাঙর্, কিয়া তে মর্ বোউত্ আগেত্তুন্ ধুরি আঘে।”

যোহন 1:27

যিবে মঅ পরেদি এবার্ কধা এলঅ। মুই তার্ জদা ফিটেগানি খুলিবার্ যগাজ্যে নয়।”

যোহন 1:30

ইবে সেই মানুচ্চো যিবে পৌইদ্যেনে মুই কোইয়োং, মঅ পরেদি একজন এজের্ যিবে মত্তুন্ দাঙর্, কিয়া তে মর্ বোউত্ আগেত্তুন্ ধুরি আঘে।

যোহন 3:30

তাত্তুন্ দাঙর্ ওই উদো পুড়িবো আর মত্তুন্ সুরি যা পুড়িবো।”

যোহন 6:33

স্বর্গত্তুন্ লামি এইনে যিবে মান্‌জ্যরে জিংকানি দে তেয়ই গোজেনর্ দিয়্যে রুটি।”

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

যোহন 8:23

যীশু তারারে কলঅ, “মুই উগুরেত্তুন্ এচ্চ্যং আর তুমি তলেত্তুন্ এচ্চ্য। তুমি এ পিত্‌থিমীর্, মাত্তর্ মুই এ পিত্‌থিমীর্ নয়।

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

১ যোহন 4:5

সেই ভন্ডগুন এই জগদর্; সেনত্যে তারা এই জগদর্ কধা কন্ আর জগদ্‌তানে তারা কধা শুনে।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”