যোহন 3:27 - Chakma Bible

²⁷ ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

যোহন 3:27 ပူးပေါင်းရင်းမြစ်များ

যিরমিয় 1:5

“তরে মা পেদত্ বানেবার্ আগেদি মুই তরে বেঈ থোইয়োং। তর্ জর্মর্ আগেদি মুই তরে যুদো গুরি থোইনে জাদ্‌‌তুনো ইধু ধর্মগুরু ইজেবে বেঈ লোইয়োং।”

যিরমিয় 17:16

তঅ মানুচ্চুনোর পালক অনাত্তুন মুই দঅ ধেই ন-যাং; তুই হবর্ পাজ্ মুই দজার্ দিন ন-চাং। মঅ মুয়োত্তুন যিয়েনি নিগিলি এজে সিয়েনি তত্তুন লুগেয়্যে নয়।

আমোষ 7:15

মাত্তর্ লগেপ্রভু মরে ভেড়া পালর দেগাশুনোর্ কামত্তুন্ লোই আনিনে কলঅ, ‘তুই যেইনে মঅ মানুচ্ ইস্রায়েল ইধু ভাববাদী ইজেবে কধা কঅ।’

গণাণা 17:5

মর্‌ বেঈ লোইয়্যে মানুচ্চোর লুদিক্কো উগুরে অংকুর দেগা যেবঅ। ইঙিরিনে তমা বিপক্ষে ইস্রায়েলীয়গুনোরে আমিঝে বক্‌বক্‌ গুরিবার্‌ আদত্তুন্‌ মুই রেহাই পেম্‌।”

মথি লেখ্যে গম্ হবর্ 21:25

কদে চাং, বাপ্তিস্ম দেনার্ অধিকারান্ যোহনে কুত্তুন্ পেইয়্যে? গোজেনত্তুন্, না মান্‌জ্যত্তুন্?” সেক্কে তারা নিজো ভিদিরে এ তেম্মাঙান্ গুরিলাক্, “আমি যুনি কোই, ‘গোজেনত্তুন্,’ সালে তে আমারে কবঅ, ‘সালে কিত্তে তুমি যোহনরে বিশ্বেজ্ ন-গরঅ?’

মথি লেখ্যে গম্ হবর্ 25:15

সেই চাগরুনোর্ খেমতা অনুসারে তে এক্কোরে পাচ্ আজার্, এক্কোরে দ্বি আজার্ আর এক্কোরে এক আজার্ দীনার্ দিলো। সে পরেদি তে বিদেজত্ গেলঅ।

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

যোহন 10:41

বোউত্ মানুচ্‌ যীশু ইধু গেলাক্ আর কুয়ো-কি গরা ধুরিলাক্, “যোহনে কনঅ আমক্ অবার্ কাম্ ন-গরে সত্য, মাত্তর্ তো তে এ মানুচ্চো পৌইদ্যেনে যিয়েনি যিয়েনি কোইয়্যে সিয়েনি বেক্কানি সত্য।”

যোহন 6:65

সেনত্তে তে কলঅ, “মুই তমারে কোইয়োং, বাবা বল্ ন-দিলে কনজনে মইধু এই ন-পারন্।”

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

রোমীয় 12:6

গোজেনর্ দোয়্যে মজিম্ আমি যুদো যুদো দান পেইয়্যেই। সেই দানান্ যুনি ভাববাদী ইজেবে গোজেনর্ কধা কবার্ খেমতা অয় সালে বিশ্বেজ্ অনুসারে তে গোজেনর্ কধা হোক্।

১ করিন্হীয় 1:1

গোজেনর্ আওজে তার্ ভাত্যেনালোই মুই পৌল যীশু খ্রীষ্টর্ এক্কো প্রচারক্ ওইয়োং। মুই আর ভেই সোস্থিনি করিন্থ শঅরর্ গোজেন মন্ডলীর্ মানুচ্চুনো ইধু, অত্তাৎ তমা ইধু লেগঙর্। খ্রীষ্ট যীশু সমারে মিজেনার্ মাধ্যমে গোজেনে তা নিজোর্ নাঙে তমারে যুদো গুরি রাগেয়্যে আর তা নিজো মানুচ্ অবাত্তে ডাক্ক্যে। তমা ইধু আর অন্য বেক্‌ জাগানিত্ যিগুনে আমা প্রভু যীশু খ্রীষ্টরে প্রভু বিলিনে স্বিগের্ গরন্ তারা ইধু আমি এ চিধিগান্ লিগির্। তে তারার্-অ প্রভু, আমার্-অ প্রভু।

১ করিন্হীয় 12:11

এ বেক্‌ কামানি সেই একই পবিত্র আত্মাগানে গুরি থায়। তে যেবাবোত্যেগুরি আওজ্ গরে সেবাবোত্যেগুরি এই বেক্ দানানি পত্তিজনরে যুদো যুদো গুরি দে।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 3:5

আপল্লো কন্না? আর পৌলে বা কন্না? আমি দঅ বানা সেবাগুরিয়্যে যিগুনোর্ মাধ্যমে তুমি বিশ্বেজর্ পধত্ এচ্চ্য। প্রভু আমারে পত্তিজনরে যার্ যার্ কাম দিয়্যে।

১ করিন্হীয় 4:7

তুই যে অন্যগুনোত্তুন্ বিশেষ কিজু সিয়েন দঅ কেঅ মনে ন-গরন্। তর্ এমন্‌ কি আঘে যিয়েন তুই দান ইজেবে ন-পাচ্? আর যুনি তুই সিয়েনই পেই থাচ্ সালে ন-পাচ্ বিলিনে কিত্ত্যে বাড়্ গরর্?

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।