যোহন 3:26 - Chakma Bible

²⁶ পরেদি তারা যোহন ইধু এইনে কলাক্, “মাষ্টরবাবু, যিবে যর্দনর্ উই পারত্ তঅ সমারে এলঅ আর যিবে পৌইদ্যেনে তুই সাক্ষ্য দুয়োচ্, চাহ্, তে বাপ্তিষ্ম দের্ আর বেক্কুনে তা ইধু যাদন্।”

যোহন 3:26 ပူးပေါင်းရင်းမြစ်များ

গীতসংহিতা 65:2

ও তবনাগানি মানি লোইয়্যেবো, তইদু বেক্ মানুচ্চুন এজন্।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

মথি লেখ্যে গম্ হবর্ 23:7

তারা আদে-বাজারে সর্মান তগান্ আর চান্ যেনে মানুচ্চুনে তারারে মুরুব্বী বিলি ডাগন্।

মথি লেখ্যে গম্ হবর্ 23:8

কেঅ তমারে মুরুব্বী বিলি ডাগোক্ সিয়েন্ ন-চেয়ো, কিয়া তমার্ মুরুব্বী কধে বানা একজন আঘে, আর তুমি বেক্কুনে ভেই ভেই।

যোহন 1:15

যোহনে তা পৌইদ্যেনে রঅ ছাড়িনে সাক্ষ্য দিইনে কলঅ, “তেয়ই সে মানুচ্চো যিবে পৌইদ্যেনে মুই কোইয়োং, যে মঅ পরেদি এজের্ তে মত্তুন্ বেশ্ দাঙর্, কিয়া তে মর্ বোউত্ আগেত্তুন্ ধুরি আঘে।”

যোহন 1:7

তে পহ্‌র পৌইদ্যেনে সাক্ষী ইজেবে সাক্ষি দিবাত্যে এচ্চ্যে যেনে বেক্কুনে তা সাক্ষিগান্ শুনিনে বিশ্বেজ্ গুরি পারন্।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 11:48

আমি যুনি তারে এবাবোত্যে গুরিবাত্তে দিই সালে বেক্কুনে তা উগুরে বিশ্বেজ্ গুরিবাক্, আর রোমীয়গুনে এইনে আমা উবোসনা-ঘর আর আমা জাদরে ভস্ত গুরি ফেলেবাক্।”

যোহন 12:19

ইয়েন দেগিনে ফরীশীগুনে একজন আরেকজনরে কলাক্, “আমার কনঅ লাভ্ ন-অর্। চঅ, গোদা দুনিয়েগান্ তা দলত্ যেয়েগোই।”

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 4:1

যীশু যে যোহনত্তুন্ বোউত্ বেশ্ শিচ্চ্য গরের্ আর বাপ্তিষ্ম দের্ সিয়েন্ ফরীশীগুনে শুন্ন্যন্।

যোহন 4:2

(খালিক্ যীশু নিজে বাপ্তিষ্ম ন-দের্, তা শিচ্চ্যগুনে দেদন্।)

যোহন 4:31

এ ভিদিরে তা শিচ্চ্যগুনে তারে কোজোলি গুরিনে কলাক্, “মাষ্টরবাবু, কিজু হা।”

যোহন 5:33

তুমি যোহন ইধু পুযোর্ গুরিনে পাধেয়ো, আর তে সত্যর্ পক্ষে সাক্ষ্য দিয়্যে।