যোহন 3:25 - Chakma Bible

²⁵ সে সময়োত্ ধর্মর্ সুদোম্ মজিম্ সিজি অনা পৌইদ্যেনে যোহন শিচ্চ্যগুনে এক্কো যিহূদী সমারে তর্কাতর্কি আরাম্ভ গোজ্যন্।

যোহন 3:25 ပူးပေါင်းရင်းမြစ်များ

মথি লেখ্যে গম্ হবর্ 3:11

মনান্ ফিরেয়ো বিলি মুই তমারে পানিত্ বাপ্তিষ্ম দুয়োঙর্, মাত্তর্ মঅ পরেদি যিবে এজের্ তে মত্তুন্অ বেশ্ খেমতাবলা। মুই তার জদানি বুয়োবার্ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

মার্ক 7:8

তুমি দঅ গোজেনর্ দিয়্যে উগুমানি বাদ্ দিইনে মান্‌জ্যর্ দিয়্যে চলেদে সুদোমানি পালর্।”

যোহন 2:6

যিহূদী ধর্মর্ সুদোম্ মজিম্ সিজি অবাত্যে সে জাগানত্ পাত্তরর্ ছোবুয়ো চাড়ি বোজেয়্যে এলঅ। সিগুনোর্ পত্তি চাড়িত্ কমেদি পাচ্‌চল্লিশ লিটার গুরি পানি আঢ্‌ত।

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ইব্রীয় 9:23

যিয়েন স্বর্গীয় জিনিজোর্ বানা নকল সিয়েনি য়েমান উৎসর্বলোই সিজি গরানা দরকার এলঅ মাত্তর্ যিয়েনি আজলে স্বর্গীয় জিনিচ্‌ সিয়েনি সিজি গুরিবাত্যে আরঅ দাঙর্ উৎসর্বর দরকার।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।