যোহন 3:18 - Chakma Bible

¹⁸ যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

যোহন 3:18 ပူးပေါင်းရင်းမြစ်များ

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 3:19

ইয়েনত্ দেগা যায় যে, তারার্ অবিশ্বেজর্ কারনে তারা গোজেনর্ দিয়্যে জিরেবার জাগানত্ যেই ন-পারন।

১ যোহন 3:23

তার্ উগুমান ইয়েন-আমি যেন তার্ পুয়ো যীশু খ্রীষ্ট উগুরে বিশ্বেজ্ গুরিই আর একজন আরেকজনরে কোচ্‌পেই। এই উগুমানই তে আমারে দিয়্যে।

১ যোহন 4:9

আমা উগুরে গোজেনর্ কোচ্‌পানা এবাবোত্যে গুরি ফগদাং ওইয়্যে তে তার্ বানা এক্কোগুরি পুয়োরে এই জগদত্ দিপাধেল যেন আমি তারে দিইনে জিংকানি পেই।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।

১ যোহন 5:12

গোজেনর্ পুয়োবোরে যে পেইয়্যে তে সেই জিংকানিগান্অ পেইয়্যে; মাত্তর্ গোজেনর্ পুয়োবোরে যে ন-পায় তে সেই জিংকানিগান্অ ন-পায়।