যোহন 3:17 - Chakma Bible

¹⁷ গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 3:17 ပူးပေါင်းရင်းမြစ်များ

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 18:11

যিয়েনি আযি যেইয়্যে সিয়েনি উদ্ধোর্ গুরিবাত্তে মান্‌জ্য পুয়োবো এচ্চ্যে। তুমি কি মনে গরঅ?

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

লূকে লেখ্যে গম্ হবর্ 9:56

সে পরেদি তারা অন্য আদামত্ গেলাক্।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 11:42

অবুচ্চ্যই মুই কোই পারং আমিযে তুই মঅ কধানি শুনোচ্। মাত্তর্ যিদুক্কুন্ মানুচ্ চেরোকিত্ত্যে থিয়্যেই আগন্ তারা যেন বিশ্বেজ্ গুরি পারন্ যে, তুই মরে পাধেয়োচ্, সেনত্তে এ কধাগান্ কলুং।”

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

যোহন 17:21

বাবা, তুই যেধোক্ক্যেন্ মঅ সমারে আঘচ্ আর মুই তঅ সমারে আঘং সেধোক্ক্যেন্ তারায়ো যেন আমা সমারে এগত্তর্ ওইনে থেই পারন্। সেক্কে জগদর্ মানুচ্চুনে বিশ্বেজ্ গুরি পারিবাক্ যে, তুই মরে পাধেয়োচ্।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

যোহন 5:36

মাত্তর্ যোহন সাক্ষ্যত্তুন্অ বেশ্ দাঙর্ সাক্ষ্য মর্ আঘে, কিয়া বাপ্পো মরে যে কামানি গুরিবাত্যে দিয়্যে সিয়েনি মুই গরঙর্। আর সিয়েনি মঅ পৌইদ্যেনে এ সাক্ষ্যগান্ দের্ যে, বাবা মরে পাধেয়্যে।

যোহন 5:38

সিয়েন বাদে তা কধানি তমা মনত্ ন-থায়, কিয়া তে যিবেরে দিপাধেয়্যে তা উগুরে তুমি বিশ্বেজ্ ন-গরঅ।

যোহন 5:45

মনে ন-গোজ্য যে, বাবা ইধু মুই তমারে দুষি গুরিম্; মাত্তর্ যে মোশি উগুরে তুমি আজা গুরি আগঅ সেই মোশিই তমারে দুষি গরের্।

যোহন 6:29

যীশু তারারে কলঅ, “গোজেনে যিবেরে পাধেয়্যে তা উগুরে বিশ্বেজ্ গরানা অলঅ গোজেনর্ কাম্।”

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:57

জেদা বাবা মরে দিপাধেয়্যে আর তাত্যেই মুই জেদা আঘং। ঠিগ্ সেবাবোত্যেগুরি যে মরে খায় তেয়ো মত্তে জেদা থেবঅ।

যোহন 7:29

তারে তুমি হবর্ ন-পঅ মাত্তর্ মুই হবর্ পাং, কিয়া মুই তাত্তুন্ এচ্চ্যং আর তে মরে পাধেয়্যে।”

যোহন 8:11

মিলেবো জোব্ দিলো, “না বাবু, কনজনে ন-গরন্।” সেক্কে যীশু কলঅ, “মুইয়ো ন-গরং। থিক্ আঘে যাহ্; পাপঅ জিংকানি আর ন-কাদেচ্।”

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

১ যোহন 4:14

আমি দেক্ক্যেই আর সাক্ষি দিত্তে, বাবা পুয়োবোরে মানুচ্চুনোর উদ্ধোর্ গুরিয়্যে ইজেবে পাধেয়্যে।