যোহন 3:15 - Chakma Bible

¹⁵ যেন যে কেঅ তা উগুরে বিশ্বেজ্ গরে তে উমর জিংকানি পায়।

যোহন 3:15 ပူးပေါင်းရင်းမြစ်များ

যিশাইয় 11:10

সেদিন্যে যিশয়র গড়াগান্ বেক্ জাদ্‌তুনোত্তে বাবতা ধোক্ক্যেন্ ওইনে থিয়্যেব; বেক জাদ্‌তুনে তাইদু এগত্তর্ অবাক্ আর তার জিরেবার জাগায়ান্ বাঈনী গরে পারা অবঅ।

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

গণাণা 21:9

সেক্কে মোশি এক্কো পিদোলর সাপ বানেইনে এক্কো তুনি উগুরে থলঅ। কাররে সাপে কামেড়েলে তে উই পিদোলর্ সাপ্পোন্দি রিনি চেদঅ আর সেক্কে তে বাঁজিদো।

মথি লেখ্যে গম্ হবর্ 18:10

চেয়ো, তুমি যেন এ চিগোন্ গুরোগুনো ভিদিরে একজনরেয়ো ঈচ্ ন-গরঅ। মুই তমারে কঙর্, স্বর্গত্ তারার্ দূত্‌তুনে নিত্য মঅ স্বর্গর্ বাপ্পো মুয়োন্ দেগদন্।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

যোহন 5:24

মুই তমারে ঘেচ্চ্যেক্‌গুরি কঙর্, মঅ কধা যে শুনে আর মরে যে দিপাধেয়্যে তারে বিশ্বেজ্ গরে তার্ উমর্‌অ জিংকানি আঘে। তারে দুষি বিলিনে ঠিগ্ গরা ন-অবঅ; তে দঅ মরণত্তুন্ জিংকানিত্ পার্ ওই যেয়্যে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 6:47

মুই তমারে ঘেচ্চ্যেক্‌গুরি কঙর্, যে কেঅ মঅ উগুরে বিশ্বেজ্ গরে তে সেক্কেনে উমর জিংকানি পায়।”

প্রেরিত্‌ 13:41

তুমি যিগুনে গোজেনরে নিইনে তামাজা গুরি থাগ, তুমি শুনো- তুমি আমক্ অ আর ভস্ত অ; কিয়া তমা সময়োত্ মুই এমন্ এক্কান্ কিজু গুরিবাত্তে যাঙর্ যিয়েনর্ কধা তুমি কনঅ বাবদে বিশ্বেজ্ ন-গুরিবা, কেঅ কলেয়ো ন-গুরিবা।”

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

২ করিন্হীয় 4:3

আমা গম্ হবরান্ যুনি ঢাক্যা থায় সালে যিগুনে ভস্ত ওই যাদন্ সিগুনো ইধু ঢাক্যা থায়।

গালাতীয় 2:16

মাত্তর্ তো আমি এ কধাগান্ কোই পারিই যে, রীতি-সুদোম্ পালেবাত্যে গোজেনে মান্‌জ্যরে নিদ্দুযি বিলিনে মানি ন-লয়, বরং যীশু খ্রীষ্ট উগুরে বিশ্বেজর্ কারনে মানি লয়। সেনত্যে আমিয়ো খ্রীষ্ট যীশু উগুরে বিশ্বেজ্ গোজ্জ্যেই, যেন রীতি-সুদোম্ পালেবাত্যে নয় বরং খ্রীষ্ট উগুরে বিশ্বেজর্ কারনে আমারে নিদ্দুজি বিলিনে মানি লুয়ো অয়; কিয়া রীতি-সুদোম্ পালানার্ কারনে কাররে নিদ্দুজি বিলি মানি লুয়ো ন-অবঅ।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ইব্রীয় 10:39

যিগুনে ফিরি যেইনে ভস্ত অন্ আমি দঅ সেই দলর নয়; যিগুনে বিশ্বেজ্ গুরিনে উদ্ধোর্ পান আমি সেই দলর্।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

১ যোহন 5:1

যিগুনে বিশ্বেজ্ গরন যীশুই সেই মশীহ, গোজেনত্তুন্ তারার্ জর্ম ওইয়্যে। যিগুনে বাবরে কোচ্‌পান সিগুনে তার্ পুয়ো-ছাগুনোরেয়ো কোচ্‌পান।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।