যোহন 3:11 - Chakma Bible

¹¹ তরে ঘেচ্চ্যেক্‌গুরি কঙর্, আমি যিয়েন হবর্ পেই সিয়েনই কোই আর যিয়েন্ দেক্ক্যেই সে পৌইদ্যেনে সাক্ষি দিই, মাত্তর্ তুমি আমা সাক্ষিগানি এলাফেলা গরঅ।

যোহন 3:11 ပူးပေါင်းရင်းမြစ်များ

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 12:49

কিয়া মুই দঅ নিজোত্তুন্ কিচ্চু ন-কং, মাত্তর্ যে মরে পাধেয়্যে সেই বাবা নিজেই মরে উগুম্ গোজ্যে কি কি কুয়ো পুরিবো।

যোহন 14:24

যে মরে কোচ্‌ ন-পায় তে মঅ কধানি মানি ন-চলে। যে কধানি তুমি শুনোর্ সিয়েনি মঅ কধা নয় মাত্তর্ যে মরে দিপাধেয়্যে সেই বাবার্ কধা।

যোহন 3:12

মুই তমা ইধু জগদ পৌইদ্যেনে কধা কলে যেক্কে বিশ্বেজ্ ন-গরঅ সেক্কে স্বর্গীয় পৌইদ্যেনে কধা কলে কেধোক্ক্যেন্ গুরি বিশ্বেজ্ গুরিবা?

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 3:3

যীশু নীকদীমরে কলঅ, “মুই তমারে ঘেচ্চেক্‌গুরি কঙর্, নুয়ো গুরিনে জর্ম ন-অলে কেঅ গোজেন রেজ্যগান চেই ন-পায়।”

যোহন 3:5

জোবত্ যীশু কলঅ, “মুই তরে ঘেচ্চেক্‌গুরি কঙর্, পানি আর পবিত্র আত্মাত্তুন্ জর্ম ন-অলে কনজনে গোজেন রেজ্যত্ সোমেই ন-পারে।

যোহন 5:43

মুই মর্ বাবা নাঙে এচ্চ্যং আর তুমি মরে মানি ন-লর্; মাত্তর্ অন্য কেঅ যুনি তা নিজো নাঙে এজে তারে তুমি মানি লবা।

যোহন 7:16

জোবত্ যীশু তারারে কলঅ, “মুই যে শিক্ষ্যেগান্ দুয়োং সিয়েন মর্ নিজোর্ নয়, মাত্তর্ যে মরে দিপাধেয়্যে, তার্।

যোহন 8:14

যীশু তারারে জোব্ দিলো, “যুনিয়ো মুই নিজোর্ পক্ষে নিজে সাক্ষ্য দুয়োং তো মঅ সাক্ষ্যগান্ সত্য, কিয়া মুই কুত্তুন্ এচ্চ্যং আর কুধু যাঙর্ সিয়েন্ মুই কোই পারং। মাত্তর্ মুই কুত্তুন্ এচ্চ্যং আর কুধু যাঙর্ সিয়েন্ তুমি কোই ন-পারঅ।

যোহন 8:26

তমা পৌইদ্যেনে কবার্ আর বিচের্ গুরি চেবার্ মর্ বোউৎ কিজু আঘে। মাত্তর্ যে মরে পাধেয়্যে তাইধু মিজে কধা নেই; মুই তাইধু যিয়েনি শুন্ন্যং সিয়েনি মান্‌জ্যরে কং।”

যোহন 8:38

মুই মঅ বাবা ইধু যিয়েনি দেক্ক্যং সে পৌইদ্যেনে কং, আর তুমি তমা বাবত্তুন্ যিয়েনি শুন্ন্য সিয়েনি গুরি থাগঅ।”

প্রেরিত্‌ 22:18

সেই অবস্থায় মুই দেগিলুং প্রভু মঅ সমারে কধা কর্। তে মরে কলঅ, যাদি গর্, ইক্কিনে যিরূশালেমান ছাড়িনে যাগোই, কিয়া মঅ পৌইদ্যেনে তর্ সাক্ষ্যগানি মান্‌জ্যে মানি ন-লবাক্।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।