যোহন 21:22 - Chakma Bible

²² যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

যোহন 21:22 ပူးပေါင်းရင်းမြစ်များ

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 24:27

দেবা ঝিমিলেনি যেবাবোত্যেগুরি পূগেদি দেগা দিইনে পোজিমেদি সং ঝিমিলায় মান্‌জ্য পুয়োবোর্ এজানায়ো সেবাবোত্যে অবঅ।

মথি লেখ্যে গম্ হবর্ 24:3

যীশু যেক্কেনে জৈতুন মুড়োবোত্ বুয়োই এলঅ সেক্কে শিচ্চ্যগুনে আন্দলে আন্দলে তাইধু এইনে কলাক্, “আমারে কঅ, কক্কে ইয়েনি ঘুদিবো আর কিবাবোত্যে চিহ্নোলোই বুঝো যেবঅ যে ইবেয়ই তর্ এবার্ সময় আর যুগ থুম্ অবার্ অক্ত ওইয়্যে?”

মথি লেখ্যে গম্ হবর্ 24:44

সেনত্তে তুমিয়ো হামাক্কায় যুক্কোল্ থাগঅ, কিয়া যে সময়ানর্ কধা তুমি আজায়ো ন-গরঅ সেই সময়ানত্ মান্‌জ্য পুয়োবো এবঅ।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 8:22

যীশু তারে কলঅ, “মরাগুনে তারার্ মরাকিয়্যেনিরে গারোদোক্, মাত্তর্ তুই মঅ লগে আয়।”

মার্ক 9:1

সে পরেদি যীশু শিচ্চ্যগুনোরে কলঅ, “মুই তমারে ঘেচ্চেক্‌‌গুরি কঙর্, ইয়েনত্ এমন্ কয়েকজন আগন্ যিগুনো ইধু গোজেনর্ রেজ্যগান দাঙর্ খেমতালোই দেগা ন-দেনা সং তারা কনমতে মুরি ন-যেবাক্।”

যোহন 21:19

গোজেনর্ মহিমাগান্ ফগদাং গুরিবাত্তে পিতরে কেধোক্ক্যেন্ গুরি মুরিবো সিয়েন্ বুঝেবাত্তে যেইনে যীশু এ কধাগান্ কলঅ। এ কধাগান্ কনার্ পরেদি যীশু পিতররে কলঅ, “মঅ লগে আয়।”

যোহন 21:21

পিতরে তারে দেগিনে যীশুরে কলঅ, “প্রভু, ইবের্ কি অবঅ?”

১ করিন্হীয় 11:26

সেনত্তে তে ন-এজানা সং যেদকবার্ তুমি এ রুটিগান হেবা আর এ গলচ্চোত্তুন্ হেবা সেদকবার যীশুর্ মরণর্ কধাগান ফগদাং গুরিবা।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?

যাকোব 5:8

তুমিয়ো সেধোক্ক্যেন গুরিনে ধৈয্য ধরঅ আর মনানি থির্ রাগঅ, কিয়া প্রভু যাদিমাদি এজের্।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 2:25

বানা যিয়েনি তমার আঘে, মুই ন-এজানা সং সিয়েনি দরমর গুরি ধুরি রাগঅ।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।