যোহন 21:20 - Chakma Bible

²⁰ পিতরে পিজেদি ফিরিনে রিনি চেলঅ, যীশু যিবেরে কোচ্‌পেদ সেই শিচ্চ্যবো পিজে পিজে এজের্। ইবে সেই শিচ্চ্য, যিবে হেবার্ অক্তত্ যীশু ইন্দি এলান্ দিইনে কোইয়্যে, “প্রভু, তরে যে শত্রুগুনো আঢত্ ধুরি দিবো, তে কন্না?”

যোহন 21:20 ပူးပေါင်းရင်းမြစ်များ

মথি লেখ্যে গম্ হবর্ 26:46

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

যোহন 20:2

সেনত্তে তে শিমোন-পিতর আর যে শিচ্চ্যবোরে যীশু কোচ্‌পেদঅ সেই শিচ্চ্যবো ইধু ধাবা যেইনে কলঅ, “মানুচ্চুনে প্রভুরে গোরত্তুন্ নেযেয়োন। তারে কুধু থোইয়োন্ আমি সিয়েন হবর্ ন-পেই।”

যোহন 21:21

পিতরে তারে দেগিনে যীশুরে কলঅ, “প্রভু, ইবের্ কি অবঅ?”

যোহন 21:24

সেই শিচ্চ্যবো ইয়েনি বেক্কানি সাক্ষি দের্ আর ইয়েনি বেক্কানি লেক্ক্যে। আমি হবর্ পেই তা সাক্ষিগান্ সত্য।

যোহন 21:7

যীশু যে শিচ্চ্যবোরে কোচ্‌পেদঅ সেই শিচ্চ্যবো পিতররে কলঅ, “তে প্রভু যীশু।” সেক্কে শিমোন-পিতর কিয়্যেত্ কনঅ কাবড়্ ন-এলঅ। সেনত্তে যেক্কে তে শুনিলো, “তে প্রভু যীশু,” সেক্কে কিয়্যেত্ কাবড়ান্ বেড়েইনে সাগরত্ ঝাম্ দিলো।