যোহন 21:19 - Chakma Bible

¹⁹ গোজেনর্ মহিমাগান্ ফগদাং গুরিবাত্তে পিতরে কেধোক্ক্যেন্ গুরি মুরিবো সিয়েন্ বুঝেবাত্তে যেইনে যীশু এ কধাগান্ কলঅ। এ কধাগান্ কনার্ পরেদি যীশু পিতররে কলঅ, “মঅ লগে আয়।”

যোহন 21:19 ပူးပေါင်းရင်းမြစ်များ

গণাণা 14:24

মাত্তর্‌ মর্‌ চাগর্‌ কালেবর মনত্‌ সেধোক্ক্যেন চিদে-সজ্জা নেই আর তে মর্‌ কধাগান্‌ পুরোপুরি মানি চলে। সেনত্তে যে দেজত্‌ তে যেইয়্যে মুই তারে সেই দেজত্‌ লোই যেম্‌ আর তার্‌ বংশধরুনে সিয়েনি সোম্বোত্তি ইজেবে পেবাক।

মথি লেখ্যে গম্ হবর্ 10:38

যে নিজোর ক্রুশ লোইনে মঅ পধেদি ন-চলে তেয়ো মর্ যগাজ্যে নয়।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 8:22

যীশু তারে কলঅ, “মরাগুনে তারার্ মরাকিয়্যেনিরে গারোদোক্, মাত্তর্ তুই মঅ লগে আয়।”

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 12:33

তার্ কিবাবোত্যে মরণান্ অবঅ সিয়েন বুঝেবাত্যে তে এ কধাগান্ কলঅ।

যোহন 18:32

কেধোক্ক্যেন্ গুরি নিজোর্ মরণ অবঅ যীশু আগেদি সিয়েন্ কোইয়্যে। ইয়েন্ ঘুদিলো যেন তার্ সেই কধাগান্ পূরোণ্ অয়।

যোহন 21:18

মুই তরে ঘেচ্চ্যেক্‌গুরি কঙর্, তুই যেক্কে গাবুর্ এলে সেক্কে তুই নিজে তর্ ফার্‍বো বানিদ্যে আর যিধু মনে কয় সিধু যেদে। মাত্তর্ যেক্কে তুই বুড়ো অবে সেক্কে তুই তঅ আঢ্‌তান্ বাবেই দিবে আর অন্য একজনে তরে বানিবো আর তুই যিধু যেবার্ ন-চাজ্ সিধু নেযেব।”

যোহন 21:22

যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

২ পিতর 1:14

কিয়া মুই যে আর ভালোক্ দিন এই কিয়্যের-তাম্বুলানত্ ন-থেম্ সিয়েন আমার প্রভু যীশু খ্রীষ্ট মরে গমেডালে জানেই দিয়্যে।

১ শমূয়েল 12:20

জোবত্‌ শমূয়েলে কলদে, “তুমি ন-দোরেয়ো। তুমি যুনিয়ো এই বেক্‌ অন্যেয়ানি গোজ্য তো লগেপ্রভুর ইত্তুন্‌ সুরি ন-যেইনে বেক্‌ মনান্‌ দিইনে তারে সেবা গরঅ।