যোহন 21:17 - Chakma Bible

¹⁷ পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

যোহন 21:17 ပူးပေါင်းရင်းမြစ်များ

২ শমূয়েল 7:20

দায়ূদে তঅ মুজুঙোত্ আর কি কোই পারিবো? ও প্রভু লগেপ্রভু, তুই দঅ তঅ চাগর্‌বোরে হবর্‌ পাজ্।

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ বংশধর 17:18

তঅ চাগর্‌ মরে যে সর্মানান দেগেলে সেক্কে মুই তইদু আর বেশ্‌ কি কোই পারিম্‌? তুই দঅ তঅ চাগর্‌বোরে হবর্‌ পাজ্‌।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

আবিলেচ্ 3:33

কিত্যে তে আওজ্ গুরিনে মান্‌‌‌জ্যরে দুঘ্ বা মনত্‌দুঘ্ ন-দে।‌‌

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মার্ক 14:72

সে পরেদি দ্বিপল্লা রাদাকুরোবো ডাগ্‌‍‍কারি উদিলো। যীশু তারে কেধোক্ক্যেন গুরি কোইয়্যে সিয়েন পিতরর্ মনত্ পড়িলো , “রাদাকুরোবো দ্বিপল্লা ডাগ্ কারিবার আগেদি তুই তিন পল্লা কবে, তুই মরে ন-চিনোস্,” আর তে কানদে কানদে ভাঙি পড়িলো।

যোহন 12:8

নাঢা মানুচ্চুনে দঅ নিত্য তমা ইধু আগন্, মাত্তর্ মরে তুমি নিত্য ন-পেবা।”

যোহন 13:38

সেক্কে যীশু কলঅ, “ঘেচ্চেক্‌গুরি কি তুই মত্যে তঅ পরাণান্ দিবে? মুই তরে ঘেচ্চেক্‌গুরি কঙর্, রাদা কুরো ডাগ্ কারিবার্ আগেদি তুই তিনবার্ কবে, তুই মরে ন-চিনোচ্।”

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

যোহন 15:10

মুই মঅ বাপ্পোর্ বেক্‌ উগুমানি পালেনে যেবাবোত্যেগুরি তা কোচ্‌পানাত্ আঘং, সেবাবোত্যেগুরি তুমিয়ো যুনি মঅ উগুমানি পালঅ সালে তুমিয়ো মঅ কোচ্‌পানাত্ থেবা।

যোহন 16:30

ইক্কে আমি বুঝি পাজ্জ্যেই, তর্ অজানা কিচ্চু নেই, আর কেঅ যে তরে কনঅ কিজু পুযোর্ গরন্ সিয়েন দরকার্-অ তর্ নেই। ইয়েনত্যে আমি বিশ্বেজ্ গুরিই যে, তুই গোজেনত্তুন্ এচ্চ্যস্।”

যোহন 18:27

পিতরে আরঅ অস্বীগের্ গুরিলো, আর সেক্কেনে এক্কো রাদাকুরো ডাগ্‌‍কারি উদিলো।

যোহন 18:4

তা নিজো উগুরে যিয়েনি ঘুদিবো যীশু সিয়েনি বেক্কানি কোই পাত্ত। ইয়েনত্যে তে নিগিলি এইনে সেই মানুচ্চুনোরে কলঅ, “তুমি কারে তগর্?”

যোহন 21:18

মুই তরে ঘেচ্চ্যেক্‌গুরি কঙর্, তুই যেক্কে গাবুর্ এলে সেক্কে তুই নিজে তর্ ফার্‍বো বানিদ্যে আর যিধু মনে কয় সিধু যেদে। মাত্তর্ যেক্কে তুই বুড়ো অবে সেক্কে তুই তঅ আঢ্‌তান্ বাবেই দিবে আর অন্য একজনে তরে বানিবো আর তুই যিধু যেবার্ ন-চাজ্ সিধু নেযেব।”

যোহন 4:16

যীশু তারে কলঅ, “সালে যাহ্, তঅ নেক্কোরে ইধু ডাগি আন্।”

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

প্রেরিত্‌ 11:10

এবাবোত্যে তিনবার্ অলঅ, সে পরেদি বেক্কানি আরঅ আগাজত্ তুলি নেযা অলঅ।

প্রেরিত্‌ 15:8

গোজেনে বেক্কুনোর্ মনানি কোই পারে। তে আমারে যেবাবোত্যেগুরি পবিত্র আত্মাগান দান গোজ্যে, অযিহূদীগুনোরেয়ো সেবাবোত্যেগুরি পবিত্র আত্মাগান দান গুরিনে সাক্ষী দিয়্যেদে যে, তারায়ো পাপত্তুন্ উদ্ধোর্ পেইয়োন।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।

২ পিতর 3:1

কোচ্‌পেইয়্যে ভেইয়ুন, তমা ইধু ইয়েনই মর্ দ্বি-লম্বর চিধি। দ্বিয়েন চিধিত মুই তমারে কয়েক্কান পৌইদ্যেনে ইদোত্ তুলি দিইনে তমার দোল্ মনানরে লাড়িবার্ চেষ্টা গোজ্জ্যং।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।