যোহন 21:14 - Chakma Bible

¹⁴ মরাত্তুন্ জেদা ওই উদোনার্ পরেদি যীশু এই তিন বার্ শিচ্চ্যগুনোরে দেগা দিলো।

যোহন 21:14 ပူးပေါင်းရင်းမြစ်များ

মার্ক 16:12

ইয়েনর্ পরেদি তার্ দ্বিজন্ শিচ্চ্য যেক্কে আঢি আঢি আদাম ইন্দি যাদন্ সেক্কে যীশু অন্য বাবোত্যে চেয়ারায় তারারে দেগা দিলো।

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

যোহন 20:19

সেই একই দিনোত্, সাপ্তার্ পত্তম্ দিনোর্ সাজোন্ন্যে অক্তত্ শিচ্চ্যগুনে যিহূদী নেতাগুনোর্ দরে ঘরর্ বেক্‌ দুয়োরানি নাঢিনে এক্কান্ জাগাত্ এগত্তর্ ওইয়োন্। সেক্কে যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্।”

যোহন 20:26

ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

যোহন 21:1

ইয়েন পরেদি তিবিরিয়া সাগর পারত্ শিচ্চ্যগুনো ইধু আরঅ যীশু দেগা দিলো। ঘটনাগান্ এবাবোত্যেগুরি ঘোট্যে:

প্রেরিত্‌ 1:3

তার দুঘ্ ভোগ্ গরানার্ পরেদি এ মানুচ্চুনো ইধু তে দেগা দিয়্যে আর তে যে জেদা আঘে সিয়েনর বোউত্ বিশ্বেজ্ গুরিবার প্রমাণ্ দিয়্যে। চল্লিশ দিন সং তে শিচ্চ্যগুনোরে দেগা দিইনে গোজেন রেজ্যর্ পৌইদ্যেনে কোইয়্যে।