যোহন 20:26 - Chakma Bible

²⁶ ইয়েনর্ এক সাপ্তা বাদে শিচ্চ্যগুনে আরঅ ঘরঅ ভিদিরে এগত্তর্ অলাক্, আর থোমায়ো তারা সমারে এলঅ। যুনিয়ো বেক্‌ দুয়োরানি বান্ন্যে এলঅ তো যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্‌।”

যোহন 20:26 ပူးပေါင်းရင်းမြစ်များ

যিশাইয় 26:12

ও লগেপ্রভু, আমাত্তে তুই সুগ্-শান্দি থিদেবর্ গুরিবে; কিত্তে আমি যিয়েনি গুরি পাজ্যেই সিয়েনি বেক্কানি তুই আমাত্তে গোজ্যস্।

যিশাইয় 27:5

সিগুনে বরং আশ্রয়ত্তে মইদু এজোদোক্; মঅ লগে শান্তির্ কধা কোদোক্। অয়, তারা মঅ লগে শান্তির্ কধা কোদোক্।

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

মথি লেখ্যে গম্ হবর্ 17:1

ইয়েনর্ ছদিন পরে যীশু বানা পিতর, যাকোব আর যাকোবর্ ভেই যোহনরে সমারে নিইনে এক্কো অজল্ মুড়োত্ গেলঅ।

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

লূকে লেখ্যে গম্ হবর্ 24:36

সেই শিচ্চ্যগুনে যেক্কে এ কধাগান্ কদন্ সেক্কে যীশু নিজে তারা ইধু এইনে থিয়্যেইনে তারারে বেক্কুনোরে কলঅ, “তমার্ শান্তি ওক্।”

লূকে লেখ্যে গম্ হবর্ 9:28

এই বেক্ কধানি কনার্ এক সাপ্তা পরেদি যীশু তবনা গুরিবাত্তে পিতর, যোহন আর যাকোবরে লোইনে এক্কো মুড়োত্ গেলঅ।

যোহন 11:16

সেক্কে থোমা, যারে দিদুম কুয়ো অয়, তা সমাজ্যে-শিচ্চ্যগুনোরে কলঅ, “যেই, আমিয়ো যেই, যেন তা সমারে মুরি পারিই।”

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

যোহন 20:19

সেই একই দিনোত্, সাপ্তার্ পত্তম্ দিনোর্ সাজোন্ন্যে অক্তত্ শিচ্চ্যগুনে যিহূদী নেতাগুনোর্ দরে ঘরর্ বেক্‌ দুয়োরানি নাঢিনে এক্কান্ জাগাত্ এগত্তর্ ওইয়োন্। সেক্কে যীশু এইনে তারা সংমধ্যে থিয়্যেইনে কলঅ, “তমার্ শান্তি ওক্।”

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

যোহন 21:1

ইয়েন পরেদি তিবিরিয়া সাগর পারত্ শিচ্চ্যগুনো ইধু আরঅ যীশু দেগা দিলো। ঘটনাগান্ এবাবোত্যেগুরি ঘোট্যে:

যোহন 21:14

মরাত্তুন্ জেদা ওই উদোনার্ পরেদি যীশু এই তিন বার্ শিচ্চ্যগুনোরে দেগা দিলো।

প্রেরিত্‌ 1:3

তার দুঘ্ ভোগ্ গরানার্ পরেদি এ মানুচ্চুনো ইধু তে দেগা দিয়্যে আর তে যে জেদা আঘে সিয়েনর বোউত্ বিশ্বেজ্ গুরিবার প্রমাণ্ দিয়্যে। চল্লিশ দিন সং তে শিচ্চ্যগুনোরে দেগা দিইনে গোজেন রেজ্যর্ পৌইদ্যেনে কোইয়্যে।