যোহন 20:25 - Chakma Bible

²⁵ অন্য শিচ্চ্যগুনে যেরেদি থোমারে কলাক্, “আমি প্রভুরে দেক্ক্যেই।” থোমা তারারে কলঅ, “মুই তা দ্বি আদত্ যুনি জোলোই মাজ্যে চিহ্নো ন-দেগং, সেই চিহ্নোগানত্ আঙুল্ ন-দুয়োং আর তা বুগোত্ আঢ্-দুয়োং, সেধক্কন্ সং কনঅ বাবদে বিশ্বেজ্ ন-গুরিম্।”

যোহন 20:25 ပူးပေါင်းရင်းမြစ်များ

ইয়োব 9:16

মুই ডাগিলে যুনিয়ো বা তে শুনে তো মুই বিশ্বেজ্‌ ন-গরং, তে মঅ কধা শুনিবো।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 78:32

তো তারা পাপ গরা ধুরিলাক্, তার আমক্ অবার কামানি দেগিনেয়ো তারে বিশ্বেজ্ ন-গুরিলাক্।

মথি লেখ্যে গম্ হবর্ 27:42

“তে অন্যগুনোরে রোক্ষ্যে গুরিদো, মাত্তর্ নিজোরেয়ো রোক্ষ্যে গুরি ন-পারে! তে কি ইস্রায়েলর রাজা নয়? ইক্কিনে ক্রুশোত্তুন্ তে লামি এজোক্। সালে আমি তা উগুরে বিশ্বেজ্ গুরিবোং।

মার্ক 16:11

যীশু জেদা ওইয়্যে আর মরিয়মে তারে দেখ্যে, এ কধাগান্ শুনিনে তারা বিশ্বেজ্ ন-গুরিলাক্।

মার্ক 16:13

তারা ফিরি যেইনে বাদ্‌বাগি বেক্কুনোরে সে হবরান্ দিলাক্, মাত্তর্ তারার্ কধানিয়ো অন্য শিচ্চ্যগুনে বিশ্বেজ্ ন-গুরিলাক্।

মার্ক 16:14

ইয়েনর্ পরেদি যীশু তার্ এগারজন শিচ্চ্য ইধু দেগা দিলো। সেক্কে তারা হানা খাদন্। বিশ্বেজর্ অভাব আর মনানি দরমর বিলি তে তারারে গেইল্ দিলো, কিয়া তে মরণত্তুন্ জেদা ওই উদোনার্ পরেদি যিগুনে তারে দেখ্যন্ সিগুনোর্ কধানি তারা বিশ্বেজ্ ন-গরন্।

লূকে লেখ্যে গম্ হবর্ 24:25

সেক্কে যীশু তারারে কলঅ, “তুমি কিচ্চু ন-বুঝো। তমা মনানি এমন্ বাজে যে, ভাববাদীগুনে যিয়েন কোইয়োন সিয়েন তুমি বিশ্বেজ্ ন-গরঅ।

যোহন 1:41

আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

যোহন 21:7

যীশু যে শিচ্চ্যবোরে কোচ্‌পেদঅ সেই শিচ্চ্যবো পিতররে কলঅ, “তে প্রভু যীশু।” সেক্কে শিমোন-পিতর কিয়্যেত্ কনঅ কাবড়্ ন-এলঅ। সেনত্তে যেক্কে তে শুনিলো, “তে প্রভু যীশু,” সেক্কে কিয়্যেত্ কাবড়ান্ বেড়েইনে সাগরত্ ঝাম্ দিলো।

যোহন 6:30

সেক্কে তারা তারে পুযোর্ গুরিলাক্, “সালে কি এমন আমক্ অইদ্যে কাম্ তুই গুরিবে যিয়েন্ দেগিনে আমি তরে বিশ্বেজ্ গুরি পারিই?

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

ইব্রীয় 3:18

আর কাইধু বা গোজেনে খাম হেইনে কোইয়্যেদে, তারা তার্ দিয়্যে জিরেবার জাগানত্ যেই ন-পারিবাক্? তারা কি সেই মানুচ্চুন নয় যিগুনে তারে অবিশ্বেজ গুরিনে অমান্য গোজ্জ্যন?