যোহন 20:20 - Chakma Bible

²⁰ এ কধাগান্ কোইনে তে তার্ দ্বিয়েন্ আঢ্ আর বুগো ধাক্কান্ তা শিচ্চ্যগুনোরে দেগেল। প্রভুরে দেগিনে শিচ্চ্যগুনে অমকদ হুজী অলাক্।

যোহন 20:20 ပူးပေါင်းရင်းမြစ်များ

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

যোহন 19:34

মাত্তর্ এক্কো সৈন্য তা বুগোদ্ শেল্লোই গুদো মারিলো, আর সেক্কেনে সিয়োত্তুন লো আর পানি নিগিলি এলঅ।

যোহন 20:25

অন্য শিচ্চ্যগুনে যেরেদি থোমারে কলাক্, “আমি প্রভুরে দেক্ক্যেই।” থোমা তারারে কলঅ, “মুই তা দ্বি আদত্ যুনি জোলোই মাজ্যে চিহ্নো ন-দেগং, সেই চিহ্নোগানত্ আঙুল্ ন-দুয়োং আর তা বুগোত্ আঢ্-দুয়োং, সেধক্কন্ সং কনঅ বাবদে বিশ্বেজ্ ন-গুরিম্।”

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

১ যোহন 1:1

পৌইল্যাত্তুন্ ধুরি যিবে এলঅ, যিবের্ মুয়ো কধা আমি শুন্ন্যেই, যিবেরে নিজো চোগেদি দেক্ক্যেই, যিবেরে গমেডালে রিনি চেইয়্যেই, যিবেরে নিজো আঢে ধোজ্জ্যেই, ইয়েনত্ সেই জিংকানির-কধাগান লেগঙর্।