যোহন 20:17 - Chakma Bible

¹⁷ যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

যোহন 20:17 ပူးပေါင်းရင်းမြစ်များ

২ রাজাবলী 4:29

সেক্কে ইলীশায় গেহসিরে কলঅ, “তঅ কাবড়ানি তঅ কমর্‌-বানোনিগানত্‌ গুজেই লঅ আর মঅ লুদিক্কো আঢত্‌ লোইনে আদি যাহ্। কারঅ লগে দেগা গুরিলে তারে ভালেদি নঅ-জানেবে আর কনজনে তরে ভালেদি জানেলে সিয়েনর্‌ জোব্‌ নঅ-দিবে। মঅ লুদিক্কো পুয়োবোর্‌ মূয়ো উগুরে থোই দিচ্‌।”

২ রাজাবলী 7:9

যেরেন্দি তারা তারে তে কলাক্‌, “আমা কামান্‌ দোল্‌ ন-অর্‌। এচ্ছে এক্কো গম্‌ হ্‌বরর দিন আর আমি কাররে কিচ্ছু ন-কোইনে অলর্ গুরি আগিই। আমি যুনি বেন্যেমাদান্ সং দেরি গুরিই সালে সাজাগান আমা উগুরে লামি এবঅ। আদঅ, আমি ইক্কিনে যেইনে রাজঘরত্‌ হবরান জানেই।”

গীতসংহিতা 22:22

ভেইয়ুনো ইদু মুই তঅ পৌইদ্যেনে ফগদাং গুরিম আর আদাম্মেগুনো ইদু তরে নাঙ্ গিনিম।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

গীতসংহিতা 89:26

তে মরে ডাগি কবঅ, “তুয়ই মর্ বাপ, মর্ গোজেন, মর্ রোক্ষ্যেগুরিয়্যে মুড়ো।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিহিষ্কেল 36:28

তমা পূরোণি মানুচ্চুনোরে যে দেজ্‌চান মুই দুয়োং সিয়েনত্ তুমি বজত্তি গুরিবা; তুমি মঅ মানুচ্ অবা আর মুই তমা গোজেন ওম্।‌‌‌‌‌‌‌‌‌‌‌‌

যিহিষ্কেল 37:27

মর্ থেবার জাগায়ান অবঅ তারা ভিদিরে; মুই তারার্ গোজেন ওম্ আর তারা মঅ মানুচ্ অবাক্।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

মথি লেখ্যে গম্ হবর্ 28:7

তুমি যাদিমাদি যেইনে তা শিচ্চ্যগুনোরে কঅ, তে মরণত্তুন্ জেদা ওই উঠ্যে আর ইক্কুনি তমা আগেদি গালীলোত্ যার্। তুমি সিধু তারে দেগিবা। মুই তমারে কি কলুং সিয়েন ইদোত্ রাগেয়ো।”

মার্ক 12:26

মরাগুন জেদা ওই উদোনা পৌইদ্যেনে মোশির বোইয়োত্ লেখ্যে জোল্‌‌জোল্যে ঝুবো কধা কি তুমি ন-পড়অ, গোজেনে মোশিরে কলঅ, ‘মুই অব্রাহামর গোজেন,

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

লূকে লেখ্যে গম্ হবর্ 10:4

টেঙার্ থৈল্যে বা ভিক্ষ্যে গুরিয়্যের্ থৈল্যে বা জদা লগে ন-নেযেয়ো আর পদথ্ কাররে ভালেদি ন-জানেয়ো।

যোহন 13:1

উদ্ধোর্-পরবর্ কিজু আগর্ ঘটনা। যীশু বুঝি পারিলোদে তার্ এ পিত্‌থিমীগান ফেলেনে বাবা ইধু যেবার্ অক্‌ত ওইয়্যে। এ পিত্‌থিমীত্ যিগুনে তার্ নিজোর্ মানুচ্‌ এলাক্ তারারে তে কোচ্‌পেদ আর শেজদি সং কোচ্‌পেইয়্যে।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 14:2

মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

যোহন 14:28

তুমি শুন্ন্য মুই তমারে কোইয়োং, মুই যাঙল্লোই আরঅ তমা ইধু ফিরি এম্। যুনি তুমি মরে কোচ্‌পেদা সালে মুই মঅ বাবা ইধু যাঙর্ কিনেই হুজী অদা, কিয়া বাবা মত্তুন্-অ দাঙর্।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:25

ন্যায়বলা বাবা, জগদর্ মানুচ্চুনে তরে ন-চিনোন্ মাত্তর্ মুই তরে চিনোং। আর তুই যে মরে দিপাধেয়োচ্ ইগুনে সিয়েন্ বুঝি পাজ্জ্যন্।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

যোহন 7:33

যীশু কলঅ, “মুই আর ভালোক্ দিন তমা ইধু ন-থেম্। সে পরেদি যে মরে পাধেয়্যে মুই তা ইধু যেম্।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 8:10

প্রভু আরঅ কয়, “যেরেদি মুই ইস্রায়েলীয়গুনোত্যে যে বেবস্থাগান থিদেবর্ গুরিম। সিয়েন অলঅ, মর্ আইন-কানুনানি মুই তারার্ মন ভিদিরে থোম্ আর তারার্ রিবেঙত্অ সিয়েনি লিগি রাগেম। মুই তারার্ গোজেন ওম্, আর তারা মঅ মানুচ্‌ অবাক্।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।