21 মাত্তর্ যীশু গোজেন ঘর্ কধে নিজো কিয়্যেগান কধা কোইয়্যে।
সে কধাগানই মানুচ্ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।
সেনত্তে যীশু মরণত্তুন্ জেদা ওই উদোনার্ পরেদি তা শিচ্চ্যগুনোর্ ইদোত্ উদিলো যে, তে সে কধাগান্ কোইয়্যে। সেক্কে শিচ্চ্যগুনে পবিত্র বোইবোর্ কধালোই আর যীশু যে কধানি কোইয়্যে সিয়েনি বিশ্বেজ্ গুরিলাক্।
তুমি কি কোই ন-পারঅ যে, তুমি গোজেনর্ থেবার্ ঘর আর গোজেন আত্মা তমা মনত্ বজত্তি গরে?
তুমি কি কোই ন-পারঅ, তমা মনত্ যে বজত্তি গরে আর যিয়েনরে তুমি গোজেনত্তুন্ পেইয়ো, সেই পবিত্র আত্মার্ থেবার্ ঘরান্ অলঅ তমার কিয়্যেগান? তুমি তমার্ নিজোর্ নয়;
আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”
গোজেনে চেইয়্যেদে যেন তার্ বেক্ ভর্পুনোঙান্ খ্রীষ্ট ভিদিরে থায়।
গোজেনর্ বেক্ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।
তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্জ্যে ন-টাঙান্, সিয়েন প্রভুই টাঙেয়্যে।
