যোহন 2:19 - Chakma Bible

¹⁹ জোবত্ যীশু তারারে কলঅ, “গোজেন ঘরান্ তুমি ভাঙি ফেলঅ, তিন দিনো ভিদিরে আরঅ মুই সিয়েন তুলিম্।”

যোহন 2:19 ပူးပေါင်းရင်းမြစ်များ

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 27:40

“তুই নাহি উবোসনা-ঘরান্ ভাঙিনে আরঅ তিন দিনো ভিদিরে বানেই দি পারচ্! সালে ইক্কিনে নিজোরে রোক্ষ্যে গর্। যুনি তুই গোজেনর্ পুয়ো অচ্ সালে ক্রুশোত্তুন্ লামি আয়।”

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 14:58

“আমি তারে কধে শুন্ন্যেই, ‘মান্‌জ্যর্ বানেয়্যে এই উবোসনা-ঘরান্ মুই ভাঙি ফেলেম্ আর তিন দিনো ভিদিরে এমন্ এক্কান উবোসনা-ঘর্ বানেম্ যিয়েন মান্‌‌জ্যর্ বানেয়্যে নয়।’ ”

মার্ক 15:29

যিদুক্কুন্ মানুচ্ সেই পথ্‌তানদি যাদন্ তারা মাঢাগুন্ লাড়েইনে যীশুরে অগমান্ গুরিলাক্, “ওহ্, তুই নাহি উবোসনা-ঘরান্ ভাঙিনে আরঅ তিন দিনো ভিদিরে সিয়েন বানেই দি পারচ্!

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

যোহন 11:25

যীশু মার্থারে কলঅ, “মুয়ই পুনরুত্থান্ (জেই উত্তোং) আর জিংকানিগান্। যে মঅ উগুরে বিশ্বেজ্ গরে, তে মল্লেয়ো জেদা অবঅ।

যোহন 5:19

সেক্কে যীশু সেই নেতাগুনোরে কলঅ, মুই ঘেচ্চ্যেক্‌গুরি তমারে কঙর্, পুয়োবো নিজোত্তুন্ কিচ্চু গুরি ন-পারে। বাবরে যিয়েন্ গত্তে দেগে বানা সিয়েনই গুরি পারে, কিয়া বাবে যিয়েন্ গরে পুয়োবোয়ো সিয়েন্ গরে।

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”

রোমীয় 4:24

আমারেয়ো তাক্ গুরিনে লেগা ওইয়্যে। আমা বিশ্বেজত্তে গোজেনে আমারেয়ো নিদ্দুজি বিলি ধুরিবো, কারন যিবে আমা প্রভু যীশুরে মরণত্তুন্ জেদা গোজ্জ্যে আমি তা উগুরে বিশ্বেজ্ গুরিই।

রোমীয় 6:4

আর সেনত্তে সেই বাপ্তিস্মর্ মাধ্যমে খ্রীষ্ট সমারে মুরিনেই আমার্ গোর্-অ ওইয়্যে, যেন বাবা গোজেনে তার্ খেমতালোই যেবাবোত্যেগুরি খ্রীষ্টরে মরণত্তুন্ জেদা গোজ্জ্যে সেবাবোত্যেগুরি আমিয়ো যেন নুয়ো জিংকানির্ পধেদি আঢি পারিই।

রোমীয় 8:11

যে যীশুরে মরণত্তুন্ জেদা গোজ্জ্যে সেই গোজেনর্ আত্মাগান্ যুনি তমা মনত্ বজত্তি গরে, সালে গোজেনে তার্ সেই আত্মাগান্দোই তমা মরণর্ তলে কিয়্যেগানরেয়ো জিংকানি দান গুরিবো।

১ করিন্হীয় 15:12

মাত্তর্ যুনি প্রচার গরা অয় যে, খ্রীষ্টরে মরণত্তুন্ জেদা গরা ওইয়্যে সালে তমাত্তুন্ কেঅ কেঅ কেধোক্ক্যেন গুরি কদন্ যে, মরাগুনোর্ জেঈ উদোনা বিলিনে কিচ্চু নেই?

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।