যোহন 2:16 - Chakma Bible

¹⁶ যিগুনে কোদোর্ বেজদন্ যীশু তারারে কলঅ, “এ জাগানত্তুন্ ইগুন বেক্কুন্ নেযগোই। মঅ বাব ঘরান্ বেবসা ঘর্ ন-বানেয়ো।”

যোহন 2:16 ပူးပေါင်းရင်းမြစ်များ

যিরমিয় 7:11

মঅ ঘরান কি তমা ইধু ডাগেত্তুনোর্ আড্ডার্ জাগা ওইয়্যে? মুই লগেপ্রভু কঙর্, মুই ইয়েনি দেগঙর্।

মথি লেখ্যে গম্ হবর্ 21:12

পরেদি যীশু উবোসনা-ঘরত্ সোমেল আর সিয়েনত্ যিগুনে বেজা-কিনে গত্তন্ তারারে বেক্কুনোরে ধাবেই দিলো। তে টেঙা বদলেদে মানুচ্চুনোর্ টেবিলানি আর যিগুনে কোদোর্ বেজদন্ তারার্ বুজিবার জাগায়ান্ উল্ল্যে দিইনে কলঅ,

মথি লেখ্যে গম্ হবর্ 21:13

“পবিত্র বোইবোত্ গোজেনে কোইয়্যেদে, ‘মঅ উবোসনা ঘরানরে তবনার্ ঘর কুয়ো অবঅ,’ মাত্তর্ তুমি ইয়েনরে ডাগেদর্ আড্ডাজাগা বানেয়ো।”

মথি লেখ্যে গম্ হবর্ 22:5

মাত্তর্ বোলেয়্যে মানুচ্চুনে সেই চাগরুনোর কধা ন-শুনিনে তারা যার্ যার্ কামত্ গেলাক্: একজনে খামারত্ গেলঅ, আর একজনে মাল্ গুদোমত্ গেলঅ,

মার্ক 11:17

পরেদি শিক্ষ্যে দিবার্ অক্তত্ তে সেই মানুচ্চুনোরে কলঅ, “পবিত্র বোইবোত্ কি এ কধাগান লেগা নেই যে, ‘মঅ উবোসনা ঘরানরে বেক্ জাদ্‌তুনোর তবনা ঘর্ কুয়ো অবঅ’? মাত্তর্ তুমি ইয়েনরে ডাগেদর্ আড্ডাখানা বানেয়ো!”

লূকে লেখ্যে গম্ হবর্ 2:49

যীশু তারারে কলঅ, “তুমি কিত্তে মরে তোগেইয়ো? তুমি কি হবর্ ন-পহ্ যে, মঅ বাব ঘরত্ মত্তুন্ থাহ্ পুড়িবো?”

যোহন 10:29

মঅ বাপ্পো, যিবে মরে সিগুন্ দিয়্যে, তে বেগত্তুন্ দাঙর্। কনজনে বাব আঢত্তুন্ কিজু কাড়ি নি ন-পারন্।

যোহন 2:15

ইয়েনি দেগিনে তে দুড়িলোই এক্কান্ চাবুক্ বানেল, আর সিয়েন্দোই বেক্‌ গোরুগুনোরে, ভেড়াগুনোরে আর মানুচ্চুনোরেয়ো সিয়োত্তুন ধাবেই দিলো। টেঙা বুদুলি দোন্দে মানুচ্চুনোর্ টেঙা-পৌইজ্যেগুন্ ছিদি দিইনে তে তারার্ টেবিলানি উল্লেই দিলো।

যোহন 20:17

যীশু মরিয়মরে কলঅ, “মরে ধুরি ন-রাগেচ্, কিয়া মুই এজঅ উগুরে বাবা ইধু ন-যাং। তুই বরং ভেইয়ুনো ইধু যেইনে কঅ, যিবে মর্ আর তমার্ বাপ্, যিবে মর্ আর তমার্ গোজেন, মুই উগুরে তা ইধু যাঙর্।”

যোহন 5:17

সেক্কে তে সেই নেতাগুনোরে কলঅ, “ম বাপ্পো নিত্য কাম গরের্ আর মুইয়ো গরঙর্।”

যোহন 8:49

যীশু জোবত্ কলঅ, “মরে ভুদে ন-পায়। মুই মঅ বাবারে সর্মান গরং, মাত্তর্ তুমি মরে অসর্মান্ গরর্।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।