যোহন 2:11 - Chakma Bible

¹¹ যীশু গালীল রেজ্যর্ কান্না আদামত্ চিহ্নো ইজেবে এই পত্তম আমক্ অবার্ কামান্ গুরিনে নিজোর মহিমাগান্ ফগদাং গুরিলো। ইয়েন্দোই তা শিচ্চ্যগুনে তা উগুরে বিশ্বেজ্ গুরিলাক্।

যোহন 2:11 ပူးပေါင်းရင်းမြစ်များ

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 96:3

নানান্ জাদর ইদু তার মহিমার কধানি ফগদাং গরঅ; বেক মানুচ্চুনো ইদু তার বেক আমক্ অবার কামানি ফগদাং গরঅ।

যাত্রা 14:31

লগেপ্রভু মিসরীয়গুনোর বিরুদ্ধে তাঁর্‌ যে দাঙর্‌ খেমতাগান্‌ বেবহার্‌ গুরিলো সিয়েন্‌ দেগিনেই ইস্রায়েলীয়গুনোর মনত্‌ তা উগুরে এক্কান্‌ দর্‌বুগ্ জাগি উদিলো। তারা লগেপ্রভু আর তাঁর্‌ চাগর্‌ মোশি উগুরে পুরো বিশ্বেজ্ রাগেইনে যাহ্ ধুরিলাক্।

যাত্রা 4:9

মাত্তর্‌ তারা যুদি এ দ্বিয়ানর্‌ এক্কান বিশ্বেজ্ ন-গরন বা তঅ কধানি ন-শুনোন্‌ সালে তুই নীল গাঙত্তুন্‌ কিজু পানি তুলি আনিনে মাদি উগুরে ঢালি দিবে। সেক্কে মাদি উগুরে সে পানিগান্‌ লো ওই যেবঅ।”

উপদেশক 9:7

সেনত্তে তুই যেইনে হুজিয়ে রাজিয়ে তঅ হানাগান্ হা আর মনঅ হুজিয়ে আংগুরো-রস্ হা, কিত্তে তর্ এ কামানি গোজেনে আগে এলাফেলা গোজ্যে।

যিশাইয় 40:5

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

যোহন 1:43

তার্ কেল্যে যীশু ঠিগ্ গুরিলো তে গালীল রেজ্যত্ যেবঅ। সে সময়োত্ যীশু ফিলিপ সমারে দেগা ওইনে তারে কলঅ, “আয়, মঅ শিচ্চ্য অগি।”

যোহন 1:50

যীশু তারে কলঅ, “তরে সেই ডোমোর্ গাজ তলে দেক্ক্যং, এ কধাগান্ কোইয়োং বিলি বিশ্বেজ্ গুরিলে? ইয়েনত্তুন্ বেশ্ আরঅ দাঙর্ কাম্ তুই দেগিবে।”

যোহন 10:41

বোউত্ মানুচ্‌ যীশু ইধু গেলাক্ আর কুয়ো-কি গরা ধুরিলাক্, “যোহনে কনঅ আমক্ অবার্ কাম্ ন-গরে সত্য, মাত্তর্ তো তে এ মানুচ্চো পৌইদ্যেনে যিয়েনি যিয়েনি কোইয়্যে সিয়েনি বেক্কানি সত্য।”

যোহন 11:15

মাত্তর্ মুই তমা কধা ভাবিনে হুজী ওইয়োং যে, মুই সিয়েনত্ ন-এলুং যাতে তুমি বিশ্বেজ্ গুরি পারঅ। যেই, আমি লাসার ইধু যেই।”

যোহন 11:47

সেক্কে আজল্ ধর্মগুরুগুন্ আর ফরীশীগুনে দাঙর্ তেম্মাঙত্ মানুচ্চুনোরে থুবেইনে কলাক্, “আমি ইক্কিনে কি গুরিই? এ মানুচ্চো দঅ বোউত্ আমক্ কাম্ গরের্।

যোহন 12:18

সেনত্তে মানুচ্চুনে যীশুরে অাগ্‌বারেই আনিবাত্যে যেয়োন্, কিয়া তারা শুন্ন্যন্‌দে যীশুই সেই আমক্ অবার্ কামান্ গোজ্যে।

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 16:27

বাবা নিজে দঅ তমারে কোচ্‌পায়, কিয়া তুমি মরে কোচ্‌পেইয়ো আর বিশ্বেজ্ গোজ্য যে, মুই বাবা গোজেনত্তুন্ এচ্চ্যং।

যোহন 16:30

ইক্কে আমি বুঝি পাজ্জ্যেই, তর্ অজানা কিচ্চু নেই, আর কেঅ যে তরে কনঅ কিজু পুযোর্ গরন্ সিয়েন দরকার্-অ তর্ নেই। ইয়েনত্যে আমি বিশ্বেজ্ গুরিই যে, তুই গোজেনত্তুন্ এচ্চ্যস্।”

যোহন 2:1

ইয়েনর্ দ্বিদিন পরে গালীলর্ কান্না আদামত্ এক্কান্ মেলা ওইয়্যে। যীশু মাবো সিয়েনত্ এলঅ।

যোহন 2:23

উদ্ধোর্-পরব সময় যীশু যিরূশালেমত্ থেইনে যেদক্কানি আমক্ অবার্ কাম্ গোজ্যে সিয়েনি দেগিনে ভালোক্ জনে তা উগুরে বিশ্বেজ্ গুরিলাক্।

যোহন 3:2

একদিন রেদোত্ তে যীশু ইধু এইনে কলঅ, “মাষ্টরবাবু, মুই হবর্ পাং তুই এক্কো মাষ্টর্ ইজেবে গোজেনত্তুন্ এচ্চ্যস্, কিয়া তুই যেদক্কানি আমক্ অবার্ কাম্ গোজ্যস্, গোজেনে সমারে ন-থেলে কেঅ সিয়েনি গুরি ন-পারে।”

যোহন 4:3

যীশু সিয়েন্ কোই পারিনে যিহূদিয়া রেজ্য ফেলেনে আরঅ গালীলোত্ গেলঅ।

যোহন 4:46

যেরেদি যীশু আরঅ গালীলো সেই কান্না আদামত্ গেলঅ। ইয়েনত্ তে পানিগানরে আংগুর-রস বানেয়্যে। গালীলো কফরনাহূম শঅরত্ এক্কো রাজার্ চাগর অসুগোত্ ভুগের্।

যোহন 4:54

যিহূদিয়াত্তুন্ গালীলোত্ এজানার্ পরেদি যীশু এই দ্বিলম্বর্ আমক্ অইদে কামান্ গুরিলো।

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

যোহন 6:14

যীশুর এ আমক্ কামানি দেগিনে মানুচ্চুনে কুয়ো ধল্ল্যাক্, “পিত্‌থিমীত্ যে ভাববাদীবোর্ এবার্ কধা আঘে ইবে ঘেচ্চেক্‌‌গুরি সেই ভাববাদীবো।”

যোহন 6:2

সয়-সাগোজ্যে মানুচ্‌ যীশুর্ পিযে পিযে যাহ্ ধল্ল্যাক্, কিয়া পিড়েল্ল্যেগুনো উগুরে তে যে চিহ্নো ইজেবে যেদক্কানি আমক্ অবার্ কাম্ গোজ্যে তারা সিয়েনি দেক্ক্যন্।

যোহন 6:26

যীশু জোব্ দিলো, মুই তমারে ঘেচ্চ্যেক্‌গুরি কঙর্, তুমি আমক্ অবার্ কাম্ দেক্ক্য বিলি যে মরে তগর্ সিয়েন নয়, মাত্তর্ পেট্ ভরে সং রুটি হেই পেইয়ো বিলি তগর্।

যোহন 6:30

সেক্কে তারা তারে পুযোর্ গুরিলাক্, “সালে কি এমন আমক্ অইদ্যে কাম্ তুই গুরিবে যিয়েন্ দেগিনে আমি তরে বিশ্বেজ্ গুরি পারিই?

যোহন 7:31

মাত্তর্ মানুচ্চুনো ভিদিরে ভালোক্‌জনে যীশু উগুরে বিশ্বেজ্ গুরিনে কলাক্, “তে দঅ বোউত্ আমক্ কাম্ গোজ্যে। মশীহ এইনে কি তাত্তুন্-অ বেশ্ আমক্ অবার্ কাম্ গুরিবো?”

যোহন 9:16

সেক্কে ফরীশীগুনোত্তুন্ কয়েকজনে কলাক্, “সে মানুচ্চো গোজেনত্তুন্ ন-এজে, কিয়া তে জিরেবার্ দিন ন-পালায়।” অন্য ফরীশীগুনে কলাক্, “যে মানুচ্চো পাপী তে কেধোক্ক্যেন্ গুরি এবাবোত্যে আমক্ অইদে কাম্ গুরি পারে?” এবাবোত্যেগুরি তারা ভিদিরে কধার্ অমিল্ দেগা দিলো।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

দ্বি’লম্বর বিররণ 5:24

তুমি সেক্কে কোইয়ো, আমা গোজেন লগেপ্রভু যে কত্তমান বাঈনী গরেপারা আর দাঙর্‌ সিয়েন্‌ তে আমারে দেগেয়্যে আর আগুনো ভিদিরেত্তুন্‌ আমি তার্‌ রঅবো শুন্যেই। এচ্ছ্যে আমি বুঝি পারিলোং, গোজেনে কারঅ ইদু কধা কনার্‌ পরেন্দিয়ো সিবে বাঁজি থেই পারে।

১ যোহন 5:13

তুমি যিগুনে গোজেন পুয়োবো উগুরে বিশ্বেজ্ গরঅ, তমা ইধু মুই ইয়েনি লিগিলুং যেনে তুমি হবর্ পঅ যে, তুমি উমর্‌অ জিংকানি পেইয়ো।