যোহন 19:9 - Chakma Bible

⁹ তে আরঅ ঘর ভিদিরে যেইনে যীশুরে পুযোর্ গুরিলো, “তুই কুত্তুন্ এচ্চ্যচ্?” মাত্তর্ যীশু পীলাতরে কনঅ জোব্ ন-দিলো।

যোহন 19:9 ပူးပေါင်းရင်းမြစ်များ

যিশাইয় 53:7

তে অত্যেচারিত অলঅ আর দুঘ্ পেলঅ, মাত্তর্ তো তে মুয়োন্ ন-খুলিলো; কাবি ফেল্যে ভেড়া ছঅ ধোক্ক্যেন, কেশ্ উগুরেয়্যেগুনো মুজুঙোত্ জুরো গুরি থেইয়্যে পাদি ভেড়া ধোক্ক্যেন তে মুয়োন্ ন-খুলিলো।

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”

মথি লেখ্যে গম্ হবর্ 27:27

সে পরেদি পীলাতর্ সৈন্যগুনে যীশুরে তা রাজঘর জাগান ইধু নেযেলাক্ আর বেক্ সৈন্যগুনোরে যীশুর্ চেরোকিত্তে থুবেলাক্।

লূকে লেখ্যে গম্ হবর্ 23:9

সেনত্যে হেরোদ যীশুরে ভালোক্কানি পুযোর্ গুরিলো, মাত্তর্ যীশু কনঅ কধার্ জোব্ ন-দিলো।

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 18:33

সেক্কে পীলাতে আরঅ ঘর ভিদিরে সোমিলো আর যীশুরে ডাগিনে কলঅ, “তুই কি যিহূদীগুনোর্ রাজা?”

যোহন 18:34

যীশু কলঅ, “তুই কি নিজোত্তুন্ এ কধাগান্ কর্, না অন্যগুনে মঅ পৌইদ্যেনে তরে কোইয়োন?”

যোহন 18:37

পীলাতে যীশুরে কলঅ, “সালে তুই কি রাজা?” যীশু কলঅ, “তুই ঠিগই কোইয়োচ্ যে, মুই রাজা। সত্যর্ পক্ষে সাক্ষি দিবাত্যে মুই জোর্মেয়োং আর সেনত্তে মুই জগদত্ এচ্চ্যং। যে কেঅ সত্যর্ তে মঅ কধা শুনে।”

যোহন 19:10

ইয়েনত্যে পীলাতে যীশুরে কলঅ, “তুই কি মঅ লগে কধা ন-কবে? তুই কি হবর্ ন-পাজ্, তরে ইরি দিবার্ বা ত্রুুশোত্ দিবার্ খেমতা মর্ আঘে?”

যোহন 19:8

পীলাতে যেক্কে এ কধাগান্ শুনিলো সেক্কে তে আরঅ দোরেল।

যোহন 8:14

যীশু তারারে জোব্ দিলো, “যুনিয়ো মুই নিজোর্ পক্ষে নিজে সাক্ষ্য দুয়োং তো মঅ সাক্ষ্যগান্ সত্য, কিয়া মুই কুত্তুন্ এচ্চ্যং আর কুধু যাঙর্ সিয়েন্ মুই কোই পারং। মাত্তর্ মুই কুত্তুন্ এচ্চ্যং আর কুধু যাঙর্ সিয়েন্ তুমি কোই ন-পারঅ।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

বিচের গুরিয়্যেগুন 13:6

মিলেবো সেক্কে তার নেক্কো ইদু যেইনে কলঅ, “গোজেনর্‌ এক্কো মানুচ্‌ মইদু এচ্চ্যে। গোজেনর্‌ দূদো ধোক্কেন্‌ তা চেঙেরাগান, তারে দেগিলে অমহদ দর্‌ গরে। তে কুত্তুন্‌ এচ্চ্যে সিয়েন মুই তারে পুযোর্‌ ন-গরং আর তেইয়ো তা নাঙান্‌ মরে ন-কয়।