যোহন 19:42 - Chakma Bible

⁴² সেই দিন্নো এলঅ যিহূদীগুনোর্ পরবর্ জুগেলেবার্ দিন, আর গোরান্অ কায়কুরে এলঅ বিলি তারা যীশুরে সেই গোরানত্ থলাক্।

যোহন 19:42 ပူးပေါင်းရင်းမြစ်များ

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

যিশাইয় 53:9

যুনিয়ো তে কনঅ ক্ষোতি ন-গরে বা তা মুয়োত্ কনঅ ছলনার্ কধা ন-এলঅ, তো পাজিগুনো লগে তারে গোর্ দিয়্যে ওইয়্যে আর মুরিনে মুরি তে তাগোয়্যে মান্‌জ্যর সমাজ্যে ওইয়্যে।

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

যোহন 19:14

সেই দিন্নো এলঅ উদ্ধোর্-পরবর্ জুগেলেবার্ দিন। সেক্কে বেলান্ প্রায় দিবুজ্যে। পীলাতে যিহূদী নেতাগুনোরে কলঅ, “এইয়্যে চঅ, তমা রাজাবো।”

যোহন 19:20

যিয়েনত্ যীশুরে ত্রুুশোত্ দিয়্যে ওইয়্যে সেই জাগায়ান্ শঅর কায়-কুরে এলঅ বিলিনে যিহূদীগুনোত্তুন্ ভালোক্‌‌জনে সেই দুষ্ গোজ্যেদে চিদিগান্ পড়িলাক্। সিয়েন ইব্রীয়, রোমীয় আর গ্রীক ভাষায় লেগা এলঅ।

যোহন 19:31

সে দিন্নো এলঅ পরবর্ জুগোলোনার্ দিন। যেরেদি দিন্নো এলঅ জিরেবার্ দিন, আর সেই জিরেবার্ দিন্নো এক্কো বিশেষ দিন এলঅ বিলি যিহূদী নেতাগুনে চেইয়োন্ যেন সে দিন্ন্যে কিয়্যেগানি ত্রুুশো উগুরে ন-থায়। ইয়েনত্যে তারা পীলাত ইধু কোজোলি গুরিলাক্ যেন ত্রুুশোত্ যিগুনে আঘন্ তারা টেঙানি ভাঙিনে ত্রুুশোত্তুন্ তারারে সোরেই ফেলা অয়।

যোহন 19:41

যীশুরে যিয়েনত্ ত্রুুশোত্ দিয়্যে ওইয়্যে সেই জাগানত্ এক্কো বাগান এলঅ আর সিয়েনত্ এক্কো নুয়ো গোর্ এলঅ। সেই গোরান ভিদিরে কাররে কনদিন্অ থুয়ো ন-অয়।

প্রেরিত্‌ 13:29

তা পৌইদ্যেনে পবিত্র বোইবোত্ যিয়েনি লেগা এলঅ সিয়েনি বেক্কানি পুরেবার্ পরেদি তারা তারে ক্রুশোত্তুন্ লামেইনে গোর্ দুয়োন্।

১ করিন্হীয় 15:4

তারে গোর্ দিয়্যে ওইয়্যে, পবিত্র বোইবোর্ কধা মজিম তিন দিনোত্ তারে মরাত্তুন্ জেদা গরা ওইয়্যে,

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।