যোহন 19:40 - Chakma Bible

⁴⁰ পরেদি তারা যীশুর্ কিয়্যেগান্ লোইনে যিহূদীগুনোর্ গোর্ দিবার্ সুদোম্ মজিম্ সেই বেক্‌ তুমবাচ্‌ জিনিচ্চানি সমারে কিয়্যেগান্ কাবড়লোই বেড়েলাক্।

যোহন 19:40 ပူးပေါင်းရင်းမြစ်များ

পত্থম 50:2

পরেদি তে তা তলেদি ডাক্তরুনোরে উগুম্‌ দিলো যেনে তারা তা বাবঅ কিয়্যেগান্‌ তুম্বাস্‌ মজলা দিইনে ঠিগ রাগেবার্‌ বেবস্থা গরন্‌। তারা সিয়েন গুরিলাক্।

২ বংশধর 16:14

নানান বাবোত্যে মজলা আর মিজেয়্যে তুম্বাজ্‌ জিনিজ্‌সোই ভোজ্যে খাট্‌তানত্‌ মানুচ্চুনে তারে পোড়েলাক্‌ আর দায়ূদ-শঅরত্‌ তে নিজোত্তে যে গোরান্‌ ঠিগ্‌ গুরি রাগেয়্যে তারা সিয়েনত্‌ তারে গোর্ দিলাক্‌। মানুচ্চুনে তার্‌ সর্মানত্তে বড়্‌ এক্কান্‌ আগুন জ্বালেলাক্‌।

মথি লেখ্যে গম্ হবর্ 26:12

তে মঅ কিয়্যেগান উগুরে এ আতরান্ ঢালি দিইনে মরে কবরত্তে যুক্কোল্ গোজ্যে।

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

লূকে লেখ্যে গম্ হবর্ 24:12

মাত্তর্ পিতরে উদিনে ধাবা গোর ইধু গেলঅ আর মাঢা নিগিরিনে বানা কাবরানি দেগিলো। যিয়েনি ঘোট্যে সিয়েনি আমক্ ওইনে তে ফিরি এলঅ।

যোহন 11:44

যে মুরি যেয়্যে তে সেক্কে কবরত্তুন্ নিগিলি এলঅ। তা আঢ্-টেঙানি কবর কাবর্‌লোই বেড়েয়্যে এলঅ আর তা মুয়োন্ রুমোল্লোই বান্ন্যে এলঅ। যীশু মানুচ্চুনোরে কলঅ, “তা বান্ন্যেগান্ খুলি দুয়ো আর তারে যেবাত্তে দুয়ো।”

যোহন 12:7

যীশু কলঅ, “তুমি তারে মনত্ দুঘ্ ন-দুয়ো। মরে কবর্ দিবার্ সময়োত্ সাজেবাত্যে তে ইয়েন্ থোইয়্যে।

প্রেরিত্‌ 5:6

পরেদি গাবুজ্যেগুনে উদিনে তা কিয়্যেগানত্ কাবড়্ বেড়েলাক্ আর বারেদি নেযেইনে তারে গোর্ দিলাক্।