যোহন 19:4 - Chakma Bible

⁴ পীলাতে আরঅ বারেদি এইনে মানুচ্চুনোরে কলঅ, “চঅ, মুই তারে তমা ইধু নিগিলেই আনঙর্ যাতে তুমি বুঝি পারঅ, মুই তার্ কনঅ দুষ্ ন-পাঙর্।”

যোহন 19:4 ပူးပေါင်းရင်းမြစ်များ

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

লূকে লেখ্যে গম্ হবর্ 23:4

সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্‌ ন-দেগঙর্।”

লূকে লেখ্যে গম্ হবর্ 23:41

আমি উচিত্ সাজা পেইর্। আমার যিয়েন্ পাওনা আমি সিয়েনই পেইর্, মাত্তর্ এ মানুচ্চো দঅ কনঅ দুচ্‌ ন-গরে।”

লূকে লেখ্যে গম্ হবর্ 23:47

সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”

যোহন 18:33

সেক্কে পীলাতে আরঅ ঘর ভিদিরে সোমিলো আর যীশুরে ডাগিনে কলঅ, “তুই কি যিহূদীগুনোর্ রাজা?”

যোহন 18:38

পীলাতে তারে কলঅ, “সত্যগান্ কি?” এ কধাগান্ কোইনে তে আরঅ বারেদি যিহূদী নেতাগুনো ইধু যেইনে কলঅ, “মুই ইবের্ কনঅ দুষ্ ন-দেগঙর্।

যোহন 19:6

যীশুরে দেগিনে আজল্ ধর্মগুরুগুনে আর কামগুরিয়্যেগুনে রঅ ছাড়িনেই কলাক্, “ত্রুুশোত্ দুয়ো, তারে ত্রুুশোত্ দুয়ো।” পীলাতে মানুচ্চুনোরে কলঅ, “তুমি তারে নেযেইনে ত্রুুশোত্ দুয়ো, কিয়া মুই তার্ কনঅ দুষ্ ন-দেগঙর্।”

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।