যোহন 19:39 - Chakma Bible

³⁹ আগেদি যিবে রেদোত্ যীশু ইধু এচ্চ্যে সেই নীকদীমেয়ো প্রায় তেত্রিশ কেজি তুম্বাজ্ তেল্ আর অগুরু মিজেইনে আনিলো।

যোহন 19:39 ပူးပေါင်းရင်းမြစ်များ

পত্থম 50:2

পরেদি তে তা তলেদি ডাক্তরুনোরে উগুম্‌ দিলো যেনে তারা তা বাবঅ কিয়্যেগান্‌ তুম্বাস্‌ মজলা দিইনে ঠিগ রাগেবার্‌ বেবস্থা গরন্‌। তারা সিয়েন গুরিলাক্।

২ বংশধর 16:14

নানান বাবোত্যে মজলা আর মিজেয়্যে তুম্বাজ্‌ জিনিজ্‌সোই ভোজ্যে খাট্‌তানত্‌ মানুচ্চুনে তারে পোড়েলাক্‌ আর দায়ূদ-শঅরত্‌ তে নিজোত্তে যে গোরান্‌ ঠিগ্‌ গুরি রাগেয়্যে তারা সিয়েনত্‌ তারে গোর্ দিলাক্‌। মানুচ্চুনে তার্‌ সর্মানত্তে বড়্‌ এক্কান্‌ আগুন জ্বালেলাক্‌।

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

গম্ উপদেজ্ 7:17

গন্ধরস, অগুরু আর দারচিনিলোই মঅ বিচ্ছোনান্ তুম্বাজ্ গোজ্যং।

পরমগীত 1:13

মর্ পরাণ্যে মইদু যেন তুম্বাজ রস্ রাগেবার চিগোন্ থৈল্যে যিয়েন মর্ বুগো ভিদিরে থায়।

পরমগীত 4:14

আগেদে জটামাংসী, জাফরান্, বচ, দারুচিনি আর নানান্ বাবোত্যে ধূপোর্ গাজ্; সিদু আগেদে তুম্বাজ রস, অগুরু আর বেগত্তুন্ গম্ নানান্ বাবোত্যে তুম্বাজ মজলা।

পরমগীত 4:6

যেদক্কন্ সং বেন্যে পহ্‌‌‌র ন-অয় আর আন্ধারান্ ন-যায় সেদক্কন্ মুই তুম্বাজ রস মুড়োবোত্, অয়, আগর্‌বাট্টির্ মুড়োবোত্ থেম্।

মথি লেখ্যে গম্ হবর্ 12:20

ন্যায়বিচেরানরে জিদেই ন-দেনা সং তে বুধি যেইয়্যে নল্লো ন-ভাঙিবো আর এক্কা এক্কা জুলি থেইয়্যে চেরাগ বুদ্দি ন-মারেবা।

মথি লেখ্যে গম্ হবর্ 19:30

মাত্তর্ যিগুনে পত্তম সুরোত্ আগন্ তারা ভিদিরেত্তুন্ ভালোক্‌জনে বেগ যেরেদি পড়িবাক্, আর যিগুনে বেগ যেরেদি সুরোত্ আগন্ তারা ভিদিরেত্তুন্ ভালোক্‌জনে পত্তম্ অবাক্।

মার্ক 16:1

জিরেবার্ দিন্নো পার্ ওই যানার্ পরেদি মগ্‌দলীনী মরিয়মে, যাকোব মা মরিয়ম আর শালোমী যীশুর কিয়্যেগানত্ গুলি দিবাত্তে তুম্বাজ্ মলম কিনি আনিলাক্।

যোহন 12:3

এমন সময়োত্ মরিয়মে কমেদি তিনশত্ গ্রাম অমকদ মংগা, খাটি তুম্‌বাচ্‌ তেলান্ আনিলো আর যীশুর্ টেঙত্ ঢালি দিইনে নিজো চুল্‌লোই তা টেঙানি পুযি দিলো। সেই আতর তুম্‌বাচে গোদা ঘরানি ভুরি গেল।

যোহন 12:7

যীশু কলঅ, “তুমি তারে মনত্ দুঘ্ ন-দুয়ো। মরে কবর্ দিবার্ সময়োত্ সাজেবাত্যে তে ইয়েন্ থোইয়্যে।