যোহন 19:31 - Chakma Bible

³¹ সে দিন্নো এলঅ পরবর্ জুগোলোনার্ দিন। যেরেদি দিন্নো এলঅ জিরেবার্ দিন, আর সেই জিরেবার্ দিন্নো এক্কো বিশেষ দিন এলঅ বিলি যিহূদী নেতাগুনে চেইয়োন্ যেন সে দিন্ন্যে কিয়্যেগানি ত্রুুশো উগুরে ন-থায়। ইয়েনত্যে তারা পীলাত ইধু কোজোলি গুরিলাক্ যেন ত্রুুশোত্ যিগুনে আঘন্ তারা টেঙানি ভাঙিনে ত্রুুশোত্তুন্ তারারে সোরেই ফেলা অয়।

যোহন 19:31 ပူးပေါင်းရင်းမြစ်များ

যাত্রা 12:16

পত্তম আর সাত দিনোত্‌ তুমি পবিত্র এগত্তর্ অইদে-তেম্মাং গুরিবা। এ দ্বিদিনোত্‌ তুমি নিজোর্‌ হানা বানানা বাদে আর কনঅ কাম্‌ ন-গুরিবা।

গম্ উপদেজ্ 12:10

গোজন ভক্ত মানুচ্ তা এ্যামানুনোরে যত্তন্ গরে, মাত্তর্ পাজিগুনোর মেয়্যেগানিয়ো চিৎনপুজ্যেলোই ভরা।

মীখা 3:3

তুমি মঅ মানুচ্চুনোর য়েরানি খর্, তারার্ চামাড়াগানি তুলি ফেলেইনে আড়ুন্ কট্টা কট্টা গুরি ভাঙর্; তুমি আড়ি ভিদিরে য়েরা ধোক্ক্যেন গুরি তারারে কট্টা কট্টা গুরি কাবর্।

মথি লেখ্যে গম্ হবর্ 27:62

তার্ কেল্যে, অত্তাৎ যুক্কোল-দিনোর্ পরেদি দিনোত্ আজল্ ধর্মগুরুগুনে আর ফরীশীগুনে পীলাত ইধু থুবেইনে কলাক্,

মার্ক 15:42

সেদিন্নো এলদে আয়োজনর্ দিন, অত্তাৎ জিরেবার্ আগ দিন।

যোহন 19:1

সেক্কে পীলাতে যীশুরে নেযেইনে অমকদ চাবুক্ মারিবার্ উগুম্ দিলো।

যোহন 19:14

সেই দিন্নো এলঅ উদ্ধোর্-পরবর্ জুগেলেবার্ দিন। সেক্কে বেলান্ প্রায় দিবুজ্যে। পীলাতে যিহূদী নেতাগুনোরে কলঅ, “এইয়্যে চঅ, তমা রাজাবো।”

যোহন 19:42

সেই দিন্নো এলঅ যিহূদীগুনোর্ পরবর্ জুগেলেবার্ দিন, আর গোরান্অ কায়কুরে এলঅ বিলি তারা যীশুরে সেই গোরানত্ থলাক্।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।