যোহন 19:19 - Chakma Bible

¹⁹ পীলাতে এক্কান্ দুষ্ গোজ্যে বিলি চিদি লিগিনে যীশুর ত্রুুশো উগুরে লাগেই দিলো। সিয়েনত্ লেগা এলঅ, “নাসরতর্ যীশু, যিহূদীগুনোর্ রাজা।”

যোহন 19:19 ပူးပေါင်းရင်းမြစ်များ

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

মথি লেখ্যে গম্ হবর্ 27:37

তারা ক্রুশোত্ যীশুর মাঢা উগুরেদি এ দুষ্-নামাগান্ লাগেই দিলাক্, “ইবে যীশু, যিহূদীগুনোর্ রাজা।”

মার্ক 15:26

যীশু বিরুদ্ধে দুষ্-নামাগানত্ লেগা এল, “যিহূদীগুনোর্ রাজা।”

লূকে লেখ্যে গম্ হবর্ 18:37

মানুচ্চুনে তারে জানেলাক্, নাসরতর্ যীশু সে পধেদি যার্।

লূকে লেখ্যে গম্ হবর্ 23:38

ক্রুশোত্ তা মাঢা উগুরেদি এক্কান্ তক্তাত্ এ কধাগান্ লেগা এলঅ, “এ মানুচ্চো যিহূদীগুনোর্ রাজা।”

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 18:33

সেক্কে পীলাতে আরঅ ঘর ভিদিরে সোমিলো আর যীশুরে ডাগিনে কলঅ, “তুই কি যিহূদীগুনোর্ রাজা?”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

যোহন 19:14

সেই দিন্নো এলঅ উদ্ধোর্-পরবর্ জুগেলেবার্ দিন। সেক্কে বেলান্ প্রায় দিবুজ্যে। পীলাতে যিহূদী নেতাগুনোরে কলঅ, “এইয়্যে চঅ, তমা রাজাবো।”

যোহন 19:21

সেক্কে যিহূদীগুনোর আজল্ ধর্মগুরুগুনে পীলাতরে কলাক্, “ ‘যিহূদীগুনোর রাজা,’ এ কধাগান্ ন-লিগিবা, বরং লেগঅ, ‘ইতে কধঅ, মুই যিহূদীগুনোর্ রাজা’।”

যোহন 19:3

পরেদি তারে বেগুনো রঙর্ কাবড় উরেই দিলাক্ আর তা ইধু যেইনে কলাক্, “ও যিহূদী-রাজ, জয় ওক্‌!” ইয়েন কোইনে সৈন্যগুনে তারে চুয়োড়্ মারা ধল্ল্যাক্।

প্রেরিত্‌ 26:9

মুই নিজে বিশ্বেজ্ গত্তুং, নাসরত যীশুর্ বিরুদ্ধে যিয়েনি গরা যায় সিয়েনি বেক্কানি মর্ গরানা উচিত্,

প্রেরিত্‌ 3:6

সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”