যোহন 19:17 - Chakma Bible

¹⁷ যীশু নিজো ত্রুুশ্‌চান্ নিজে ভুগিনে কুলো চারা নাঙে এক্কান্ জাগাত্ গেলঅ। সেই জাগানর্ ইব্রীয় নাঙান্ এলঅ গল্‌গথা।

যোহন 19:17 ပူးပေါင်းရင်းမြစ်များ

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

লেবীয় 24:14

যে মানুচ্চো অভিশাব দিয়্যে তারে তাম্বুলোর্‌ বারেন্দি নেযঅ। যিগুনে তারে সেই অভিশাব দেদে শুন্যন্‌ তারা বেক্কুনে তার্‌ মাদা উগুরে আত্‌ রাগাদোক্‌, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।

মথি লেখ্যে গম্ হবর্ 10:38

যে নিজোর ক্রুশ লোইনে মঅ পধেদি ন-চলে তেয়ো মর্ যগাজ্যে নয়।

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 27:37

তারা ক্রুশোত্ যীশুর মাঢা উগুরেদি এ দুষ্-নামাগান্ লাগেই দিলাক্, “ইবে যীশু, যিহূদীগুনোর্ রাজা।”

মার্ক 10:21

ইয়েন্দোই যীশু তা ইন্দি রিনি চেলঅ আর অমকদ কোচ্‌‌‍পেইনে তারে কলঅ, “এক্কান জিনিস তর্ বাগি আঘে। যাহ্, তর্ যিয়েনি আঘে সিয়েনি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মার্ক 15:26

যীশু বিরুদ্ধে দুষ্-নামাগানত্ লেগা এল, “যিহূদীগুনোর্ রাজা।”

মার্ক 15:32

মশীহরে চগি, ইস্রায়েলীয়গুনোর রাজাবোরে! ইক্কিনে ক্রুশোত্তুন্ লামি আয় আর আমি যেন তারে দেগিনে বিশ্বেজ্ গুরি পারিই।” আর যীশু লগে যিগুনোরে ক্রুশোত্ দিয়্যে ওইয়্যে তারায়ো তারে অগমান গরা ধুরিলাক্।

মার্ক 8:34

ইয়েনর্ পরেদি তে শিচ্চ্যগুনোরে আর অন্য মানুচ্চুনোরে তা কায়কুরে ডাগিনে কলঅ, “যুনি কেঅ মঅ পধেদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজেদি এজোক্।

লূকে লেখ্যে গম্ হবর্ 14:27

যে মানুচ্চো নিজোর্ ক্রুশ্‌‌চান্ বুয়োইনে মঅ পিজেদি ন-এজে তে মর্ শিচ্চ্য ওই ন-পারে।

লূকে লেখ্যে গম্ হবর্ 23:26

সৈন্যগুনে যেক্কে যীশুরে পধেদি নেযাদন্ সেক্কে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ যিবে দেজর্ শঅরত্তুন্ এজের্। সৈন্যগুনে তারে বলে ধুরিনে ক্রুশচান্ তা কানাত্ তুলি দিলাক্ যেন তে যীশুর পিজে পিজে সিয়েন্ ভুগি নেযেই পারে।

লূকে লেখ্যে গম্ হবর্ 23:33

যে জাগানরে কুলো চারা কুয়ো অদঅ সিয়েনত্ লুমিনে তারা যীশুরে আর সে দ্বিজন্ দুষিরে ক্রুশোত্ দিলাক্-এক্কোরে যীশুর্ ডেনেদি আর এজজনরে বাঙেদি।

লূকে লেখ্যে গম্ হবর্ 23:38

ক্রুশোত্ তা মাঢা উগুরেদি এক্কান্ তক্তাত্ এ কধাগান্ লেগা এলঅ, “এ মানুচ্চো যিহূদীগুনোর্ রাজা।”

লূকে লেখ্যে গম্ হবর্ 9:23

সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্‌চান্ বুয়োইনে তে মঅ পিজেদি এজোক্।

যোহন 19:13

এ কধাগান্ শুনিনে পীলাতে যীশুরে বারেদি আনিলো আর শিলো কুড়্ নাঙে এক্কান্ জাগাত্ বিচেরর্ আসনত্ বলঅ। ইব্রীয় ভাষায় সেই জাগানরে গাব্বাথা কুয়ো অদঅ।

যোহন 5:2

যিরূশালেম ভেড়া-গেদো কায়কুরে এক্কো পোর্ আঘে; সিয়েনত্ পাচ্চান্ ছাল্-দিয়্যে জাগা আঘে। ইব্রীয় কধাদি পোর্‌বো নাঙান্ বৈথেস্‌দা।

প্রেরিত্‌ 7:58

যেরেদি তারা তারে পাত্তর্ মারিবাত্তে টানিনে শঅর বারেদি নেযেলাক্, আর সাক্ষীগুনে তারা উগুরে কাবড়ানি খুলিনে শৌল নাঙে এক্কো গাবুজ্জ্যে মরদ ঠেংঅ কুরে থলাক্।