যোহন 19:11 - Chakma Bible

¹¹ যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

যোহন 19:11 ပူးပေါင်းရင်းမြစ်များ

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

গীতসংহিতা 39:9

মুই জুরো গুরি আগং, মুয়োন ন-খুলিম, কিয়া তুয়ই এ দুঃখানি অবাত্তে দুয়োচ্।

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

দানিয়েল 4:17

যে রায়য়ান দিয়্যে অলঅ সিয়েন চুগিদারুনে, অত্তাৎ পবিত্র দূত্‌‌‌‌‌‌তুনে ফগদাং গত্তন্, যেনে জেদা মানুচ্চুনে হবর্ পান যে, মান্‌জ্য রেজ্যনি উগুরে দাঙর্ গোজেনে সদ্দারি গরে আর তে যিবেরে হুজি তারে রেজ্য দান গরে আর মান্‌‌‌‌‌‌‌জ্য ভিদিরে বেগত্তুন্ যে তলে তারে তে উগুরে বজায়‌‌‌‌।

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 5:21

তারে মান্‌জ্য ইত্তুন ধাবেই দিইনে এক্কো য়েমান খাচ্চ্যত্ দিয়্যে অলঅ। যেদক্ বিলোন সং তে মানি ন-নেযেল, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌গিরি গরে আর যিবেরে আওজ্ তারে সেই বেক্ রেজ্যগানি উগুরে বজায় সেদক্ দিন সং তে ঝার্‌বো গাধাগুনো লগে বজত্তি গুরিদো আর গোরু ধোক্ক্যেন ঘাস খেদ আর আগাজ শিরোপানিয়ে ভিজিদো।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।

মথি লেখ্যে গম্ হবর্ 27:2

তারা যীশুরে বানি নেযেইনে রোমীয় আজল্ শাসনগুরিয়্যে পীলাত আঢত্ দিলাক্।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

মার্ক 14:44

সেই বেঈমান্‌নো মানুচ্চুনো সমারে এক্কান্ চিহ্নো ঠিগ্ গোজ্যে। তে কোইয়্যেদে, “যিবেরে মুই চুমিম্, তেয়ই সেই মানুচ্চো। তুমি তারে ধরঅ আর চুগিদার্‌লোই নেযেয়ো।”

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

যোহন 18:13

পত্তমে তারা যীশুরে হানন ইধু নেযেলাক্, কিয়া যে কাইয়াফা সে বজরর্ আজল্ ধর্মগুরু এলঅ হাননে এলঅ তার্ শোর্।

যোহন 18:3

আজল্ ধর্মগুরুগুনে আর ফরীশীগুনে যিহূদারে এক দল্ সৈন্য আর কয়েক্কো চাগর্ দিলাক্। সেক্কে যিহূদা তারা সমারে চেরাগ্, বম্বা আর আত্ত্যার্ লোইনে সিয়েনত্ লুমিলো।

যোহন 19:10

ইয়েনত্যে পীলাতে যীশুরে কলঅ, “তুই কি মঅ লগে কধা ন-কবে? তুই কি হবর্ ন-পাজ্, তরে ইরি দিবার্ বা ত্রুুশোত্ দিবার্ খেমতা মর্ আঘে?”

যোহন 3:27

ইয়েনর্ জোবত্ যোহনে কলঅ, “স্বর্গত্তুন্ দিয়্যে ন-অলে কারঅ পক্ষে কনঅ কিজু পানা সম্ভব্ নয়।

যোহন 7:30

ইয়েন্দোই সেই মানুচ্চুনে যীশুরে ধুরিবাত্তে চেলাক্, মাত্তর্ সেক্কেয়ো তার সময় ন-অয় বিলি কনজনে তা কিয়্যেত্ আঢ্ ন-দিলাক্।

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

প্রেরিত্‌ 2:23

গোজেন, যিবে আগে-বাগে বেক্কানি কোই পারে, যীশুরে তমা আঢত্ দিয়্যে অবঅ। আর তুমিয়ো দঅ পাজি মানুচ্চুনোরে দিইনে তারে ক্রুশোত্ দিইনে মারে ফেলেয়ো।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 4:17

সালে দেগা যায়, গম কাম গুরিবার্ কধা কোই পারিনেয়ো যে সিয়েন ন-গরে তে পাপ গরে।