যোহন 18:35 - Chakma Bible

³⁵ পীলাতে জোব্ দিলো, “মুই কি যিহূদী? তঅ জাদর্ মানুচ্চুনে আর আজল্ ধর্মগুরুগুনে তরে মঅ আদত্ দুয়োন্। তুই কি গোজ্যস্?”

যোহন 18:35 ပူးပေါင်းရင်းမြစ်များ

ইষ্রা 4:12

মহারাজর্ জানা দরকার যে, তত্তুন্ যে যিহূদীগুনে আমা ইদু এচ্চ্যন্ তারা যিরূশালেমত্ যেয়োন্ আর উল্লোমী আহ্ বজং শঅরান্ আরঅ বানাদন্; তারা ইয়েনর্ দেবালান্ আর গড়াগান্ ঠিগ্ গরদন্।

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 18:34

যীশু কলঅ, “তুই কি নিজোত্তুন্ এ কধাগান্ কর্, না অন্যগুনে মঅ পৌইদ্যেনে তরে কোইয়োন?”

যোহন 18:36

যীশু কলঅ, “মঅ রেজ্যগান্ এ জগদর্ নয়। যুনি মঅ রেজ্যগান্ এ জগদর্ অদঅ সালে মুই যাতে যিহূদী নেতাগুনো আঢত্ ন-পড়ং সেনত্তে মঅ মানুচ্চুনে যুদ্ধো গুরিদাক্; মাত্তর্ মঅ রেজ্যগান্ দঅ ইধুগোর্ নয়।”

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

যোহন 19:6

যীশুরে দেগিনে আজল্ ধর্মগুরুগুনে আর কামগুরিয়্যেগুনে রঅ ছাড়িনেই কলাক্, “ত্রুুশোত্ দুয়ো, তারে ত্রুুশোত্ দুয়ো।” পীলাতে মানুচ্চুনোরে কলঅ, “তুমি তারে নেযেইনে ত্রুুশোত্ দুয়ো, কিয়া মুই তার্ কনঅ দুষ্ ন-দেগঙর্।”

প্রেরিত্‌ 21:38

মিসর্ দেজর্ যে মানুচ্চো কয়েক দিন আগে উল্লোমি আরাম্ভ গুরিনে চের্ আজার্ খুনী বিদ্রোহীরে ধূল্যেচরত্ নেযেয়্যে, তুই কি সালে সেই মানুচ্চো নয়?”

প্রেরিত্‌ 23:29

মুই বুঝি পারিলুং, তারার্ ধর্মর্ রীতি-সুদোম পৌইদ্যেনে তারা তারে দুষী গত্তন্, মাত্তর্ মুরিবার বা জেলোত্ যাইদ্যে ধোক্ক্যেন্ এমন কনঅ দুষ্ তার্ নেই।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।