যোহন 18:30 - Chakma Bible

³⁰ যিহূদী নেতাগুনে কলাক্, “ইতে যুনি বজং কাম ন-গত্ত সালে আমি তারে তঅ ইধু ন-আনিদোং।”

যোহন 18:30 ပူးပေါင်းရင်းမြစ်များ

মার্ক 10:33

“শুনো, তে তারারে কলঅ, আমি যিরূশালেমত্ যের্। সিধু মান্‌‌‍জ্য পুয়োবোরে আজল্ ধর্মগুরুগুনো ইধু আর ধর্ম-মাষ্টরুনো আঢত্ ধুরি দিয়্যে অবঅ। তারা তা বিচের্ গুরিনে তারে মরণর্ যগাজ্যে বিলি থির্ গুরিবাক্ আর অযিহূদীগুনো আঢত্ দিবাক্।

মার্ক 15:3

আজল্ ধর্মগুরুগুনে যীশুরে ভালোক্কানি দুষ্ দিলাক্।

লূকে লেখ্যে গম্ হবর্ 24:7

তে কোইয়্যেদে, মান্‌জ্য পুয়োবোরে পাপী মানুচ্চুনো আঢত্ ধুরি দিয়্যে অবঅ। সে পরেদি তারে ক্রুশোত্ দিয়্যে অবঅ আর তিন দিনোত্ তাত্তুন্ আরঅ জেদা ওই উদো পুরিবো।”

যোহন 18:29

সেক্কে পীলাতে বারেদি তারা ইধু এইনে কলঅ, “এ মানুচ্চোরে তুমি কি দুজে দুষী গরর্?”

যোহন 18:31

পীলাতে তারারে কলঅ, “ইতারে তুমি নেযেইনে তমা রীদি-সুদোম মজিম্ বিচের্ গরঅ।” সেক্কে যিহূদী নেতাগুনে পীলাতরে কলাক্, “মাত্তর্ কাররে মরণর্ সাজা দিবার্ খেমতা দঅ আমা আঢত্ নেই।”

যোহন 19:12

এ কধাগান্ শুনিনে পীলাতে যীশুরে ইরি দিবার্ চেষ্টা গরা ধুরিলো, মাত্তর্ যিহূদী নেতাগুনে রঅ ছাড়িনে কলাক্, “তুই যুনি এ মানুচ্চোরে ইরি দুয়োচ্ সালে তুই সম্রাট কৈসরর্ সমাজ্যে নয়। যে কেঅ নিজোরে রাজা বিলি দাবি গরে তে দঅ সম্রাট কৈসরর্ শত্রু।”

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

১ পিতর 4:15

তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।