যোহন 18:28 - Chakma Bible

²⁸ যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 18:28 ပူးပေါင်းရင်းမြစ်များ

গীতসংহিতা 35:16

উৎসবর সময়োত্ গোজেন উগুরে ভোক্তিনেইয়্যে ঠাট্টাগুরিয়্যেগুনো ধোক্ক্যেন্ মর্ বিরুদ্ধে তারা দাত্ কামারা কামারি গরা ধুরিলাক্।

গম্ উপদেজ্ 1:16

কিত্তে তারা টেঙানি পাপ কামত্ যায়, খুন গুরিবাত্তে তারা ধাবা যান্।

গম্ উপদেজ্ 4:16

কিত্তে ভান্ন্যেই কাম ন-গুরিলে পাজিগুনোর ঘুম্ ন-অয়; কাররে উজোত্ হাবেই ন-পারিলে তারার ঘুম্ ন-এজে।

যিহিষ্কেল 45:21

পত্তম মাজর্ চৌদ্দ দিনোত্ তুমি উদ্ধোর-পরব্ পালেবা। এ পরব্‌‌পো সাত দিনোর; সে অক্তত্ তমাত্তুন্ সদানেইয়্যে পিধে হা পড়িবো।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

মথি লেখ্যে গম্ হবর্ 27:27

সে পরেদি পীলাতর্ সৈন্যগুনে যীশুরে তা রাজঘর জাগান ইধু নেযেলাক্ আর বেক্ সৈন্যগুনোরে যীশুর্ চেরোকিত্তে থুবেলাক্।

মার্ক 15:16

সে পরেদি সৈন্যগুনে যীশুরে তা রাজঘর জাগান ইধু ভিদিরে নেযেলাক্ আর বেক্ সৈন্যগুনোরে ডাগিনে এগত্তর্ গুরিলাক্।

লূকে লেখ্যে গম্ হবর্ 22:66

বেন্ন্যে পহর্ অলে পরেদি যিহূদীগুনোর্ বুড়ো নেতাগুনে, আঝল্ ধর্মগুরুগুনে আর ধর্ম-মাষ্টরুনে এক সমারে মিলিলাক্ আর যীশুরে তারার্ দাঙর্ সভা মুজুঙোত্ আনিনে কলাক্,

যোহন 11:55

সেক্কে যিহূদীগুনোর্ উদ্ধোর্-পরব্ কায়কুরে এচ্চ্যে। পরবর্ আগেদি নিজোরে সিজি গুরিবাত্যে ভালোক্কুন্ মানুচ্ আদামত্তুন্ যিরূশালেমত্ যেয়োন্।

যোহন 18:13

পত্তমে তারা যীশুরে হানন ইধু নেযেলাক্, কিয়া যে কাইয়াফা সে বজরর্ আজল্ ধর্মগুরু এলঅ হাননে এলঅ তার্ শোর্।

যোহন 18:15

শিমোন-পিতর আর এক্কো শিচ্চ্য যীশুর্ পিজে পিজে গেলাক্। সেই অন্য শিচ্চ্যবোরে দাঙর্ ধর্মগুরুবো চিনিদো। সেই শিচ্চ্যবো যীশুর্ সমারে সমারে দাঙর্ ধর্মগুরুবো উদোনত্ সোমেল,

যোহন 18:33

সেক্কে পীলাতে আরঅ ঘর ভিদিরে সোমিলো আর যীশুরে ডাগিনে কলঅ, “তুই কি যিহূদীগুনোর্ রাজা?”

যোহন 18:39

মাত্তর্ তমার্ এক্কান্ সুদোম্ আঘে, উদ্ধোর-পরব সময়োত্ মুই তমার্ এক্কো বন্দীরে ইরি দুয়োং। তুমি কি চঅ যে, মুই যিহূদীগুনোর্ রাজাবোরে ইরি দুয়োং?”

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

যোহন 19:14

সেই দিন্নো এলঅ উদ্ধোর্-পরবর্ জুগেলেবার্ দিন। সেক্কে বেলান্ প্রায় দিবুজ্যে। পীলাতে যিহূদী নেতাগুনোরে কলঅ, “এইয়্যে চঅ, তমা রাজাবো।”

যোহন 19:9

তে আরঅ ঘর ভিদিরে যেইনে যীশুরে পুযোর্ গুরিলো, “তুই কুত্তুন্ এচ্চ্যচ্?” মাত্তর্ যীশু পীলাতরে কনঅ জোব্ ন-দিলো।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

প্রেরিত্‌ 10:32

ইক্কিনে তুই যাফোদত্ মানুচ্ পাধা, আর শিমোন, যিবেরে পিতর-অ কুয়ো অয়, তারে ডাগি আন্। সাগর পারত্ যে শিমোনে থায় আর চামড়্ কাম্ গরে পিতরে তা ঘরত্ গর্‌বা ওইনে আঘে।’

প্রেরিত্‌ 11:3

“তুই চুনুগুলো মাঢাবো-ন-কাপ্যে মানুচ্চুনো ঘরত্ যেইনে তারা সমারে হানা-দানা গোজ্জ্যস্।”

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

প্রেরিত্‌ 4:27

“তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

দ্বি’লম্বর বিররণ 16:2

নিজোরে ফগদাং গুরিবাত্তে লগেপ্রভু তার থেবার জাগা ইজেবে যে জাগায়ান বেঈ নেযেব, সিয়েনত তুমি তমার গোরু বা ছাগল-ভেড়ার পালত্তুন য়েমান নেযেইনে তমার গোজেন লগেপ্রভুর নাঙে উদ্ধোর-পরবর্‌ উৎসর্ব গুরিবা।