যোহন 18:26 - Chakma Bible

²⁶ পিতরে যিবের্ কানান্ কাবি ফেল্ল্যে তার এক্কো কুদুম্মো দাঙর্ ধর্মগুরুবোর চাগর এলঅ। তে কলঅ, “মুই কি তরে বাগানত্ তা সমারে ন-দেগং?”

যোহন 18:26 ပူးပေါင်းရင်းမြစ်များ

গম্ উপদেজ্ 12:19

সত্য কধা কোইয়্যেবোর কধানি জিংকানিবর্ এক্কুই, মাত্তর্ মিজে কধা কোইয়্যেবোর কধানি কয়েক দিনোত্তে।

মথি লেখ্যে গম্ হবর্ 26:73

যে মানুচ্চুনে সিয়েনত্ থিয়্যেই এলাক্ তারা হানক্কণ্ পরেদি পিতররে এইনে কলাক্, “হামাক্কায় তুই সিগুনোত্তুন্ একজন; তঅ কধানিয়ে তরে ধুরি দের্।”

লূকে লেখ্যে গম্ হবর্ 22:58

কানক্কন্ পরেদি আর এক্কো মানুচ্‌ তারে দেগিনে কলঅ, “তুইয়ো দঅ তারাত্তুন্ একজন।” পিতরে কলঅ, “না, মুই নয়।”

যোহন 18:1

এ বেক্‌ কধানি কনার্ পরেদি যীশু তা শিচ্চ্যগুনো সমারে কিদ্রোণ নাঙে এক্কান কলগর্ উকুলে গেলাক্। সিধু এক্কান্ বাগান এলঅ। যীশু আর তা শিচ্চ্যগুনে সেই বাগানানত্ গেলাক্।

যোহন 18:10

শিমোন-পিতর ইধু এক্কান্ ছুরি এলঅ। পিতরে সেই ছুরিগান্ নিগিলেনেই সিয়েনর্ আঘাতে ধর্মগুরুবোর্ চাগর ডেন্ কানান্ কাবি ফেলেল। সে চাগর্‌বো নাঙান্ এলঅ মল্ক।