যোহন 18:22 - Chakma Bible

²² যীশু যেক্কে এ কধাগান্ কলঅ সেক্কে যে কাম্‌গুরিয়্যেগুনে কায়-কুরে থিয়্যেই এলাক্ তারাত্তুন্ একজনে তারে চুয়োর্ মারিনে কলঅ, “তুই দাঙর্ ধর্মগুরুবোরে এবাবোত্যেগুরি জোব্ দোত্তে?”

যোহন 18:22 ပူးပေါင်းရင်းမြစ်များ

ইয়োব 16:10

মরে ঠাট্টা গুরিবাত্তে মান্‌জ্যে মুয়োন্‌ খুল্যন্‌; ঘিনেইনে তারা মঅ গালানত্‌ চুয়োর্‌ মাজ্যন্‌ আর মঅ বিরুদ্ধে একলগে এগত্তর্‌ অন্‌।

যিরমিয় 20:2

তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

মীখা 5:1

ও সৈন্যদল্লোই ঘিরে হেইয়্যে শঅরান্, তঅ সৈন্যদল্লো সাজা, কিত্যে আমা বিরুদ্ধে এক্কান ঘিরে অর্। শত্রুগুনে ইস্রায়েলর শাজন্‌গুরিয়্যেবোর্ গালত্ লুদিক্কোই আঘাত্ গত্তন্।

মার্ক 14:65

সেক্কে কয়েকজনে যীশুরে সেফ্ ফেলেই দেনা আরাম্ভ গুরিলাক্ আর তারা তা মুয়োন্ নাঢি দিইনে তারে ঘুষি মারিনে কলাক্, “অনুমান্ গর্ কন্না তরে মারিলো!” আর সে পরেদি চুগিদারুনে তারে নেযেইনে চুয়োড়্ মারা ধুরিলাক্।

যোহন 18:21

সালে কিত্ত্যে মরে পুযোর্ গরর্? মঅ কধা যিগুনে শুন্ন্যন্ তারারে পুযোর্ গর্ মুই তারারে কি কোইয়োং। মুই যিয়েনি কোইয়োং সিয়েনি তারা হবর্ ন-পেবার্ কধা নয়।”

যোহন 18:3

আজল্ ধর্মগুরুগুনে আর ফরীশীগুনে যিহূদারে এক দল্ সৈন্য আর কয়েক্কো চাগর্ দিলাক্। সেক্কে যিহূদা তারা সমারে চেরাগ্, বম্বা আর আত্ত্যার্ লোইনে সিয়েনত্ লুমিলো।

যোহন 19:3

পরেদি তারে বেগুনো রঙর্ কাবড় উরেই দিলাক্ আর তা ইধু যেইনে কলাক্, “ও যিহূদী-রাজ, জয় ওক্‌!” ইয়েন কোইনে সৈন্যগুনে তারে চুয়োড়্ মারা ধল্ল্যাক্।