যোহন 18:20 - Chakma Bible

²⁰ যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

যোহন 18:20 ပူးပေါင်းရင်းမြစ်များ

গীতসংহিতা 22:22

ভেইয়ুনো ইদু মুই তঅ পৌইদ্যেনে ফগদাং গুরিম আর আদাম্মেগুনো ইদু তরে নাঙ্ গিনিম।

গীতসংহিতা 40:9

ও লগেপ্রভু, দাঙর্ মিটিঙোত্ তঅ ধোক্ক্যেন কামর্ পৌইদ্যেনে মুই ফগদাং গরং; তুই দঅ হবর্ পাচ্, মুই মুয়োন বানি ন-থাং।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

মথি লেখ্যে গম্ হবর্ 24:26

সেনত্তে মান্‌জ্যে যুনি তমারে কন্, তে ধূল্যেচর-চাগালাত্ আঘে, তুমি বারেদি ন-যেয়ো। যুনি কন্, তে ভিদিরে ঘরত্ আঘে, বিশ্বেজ্ ন-গোজ্য।

মথি লেখ্যে গম্ হবর্ 26:55

পরেদি যীশু মানুচ্চুনোরে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো? মুই পত্তিদিন্ উবোসনা-ঘরত্ বুয়োইনে শিক্ষ্যে দিদুং, আর সেক্কে দঅ তুমি মরে ন-ধরঅ।

মথি লেখ্যে গম্ হবর্ 26:65

সেক্কে দাঙর্ ধর্মগুরুবো তা কাবড়ান্ ফাদি ফেলেইনে কলঅ, ইবে গোজেনরে অগমান্ গুরিলো। আমাত্তুন্ আরঅ বেশ্ সাক্ষীর দরকার্ নেই? ইক্কিনে দঅ তুমি শুনিলা, তে গোজেনরে অগমান্ গোজ্জ্যে।

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

মার্ক 8:32

এই বেক্ কধানি তে জদবদেগুরি কলঅ। সেক্কে পিতর যীশুরে এক কিত্তেদি নেযেইনে আবিত্তি গরা ধুরিলো।

লূকে লেখ্যে গম্ হবর্ 21:37

সে সময়োত্ যীশু পত্তি দিন উবোসনা-ঘরত্ শিক্ষ্যে দিদো, মাত্তর্ রেদোত্ বারেদি যেইনে জৈতুন মুড়োবোত্ থেদঅ।

লূকে লেখ্যে গম্ হবর্ 4:15

সিধুগোর্ নানান্ বাবোত্যে সমাজ-ঘরত্ যীশু শিক্ষ্যে দেনা আরাম্ব গুরিলো। সেক্কে বেক্কুনে তারে নাঙ্ গিনে ধুরিলাক্।

যোহন 18:21

সালে কিত্ত্যে মরে পুযোর্ গরর্? মঅ কধা যিগুনে শুন্ন্যন্ তারারে পুযোর্ গর্ মুই তারারে কি কোইয়োং। মুই যিয়েনি কোইয়োং সিয়েনি তারা হবর্ ন-পেবার্ কধা নয়।”

যোহন 6:59

কফরনাহূম সমাজ-ঘরত্ শিক্ষ্যে দিবার্ অক্তত্ যীশু এ কধাগান্ কোইয়্যে।

যোহন 7:14

সে পরবর্ সংভাগত্ যীশু উবোসনা-ঘরত্ যেইনে শিক্ষ্যে দেনা আরাম্ভ গুরিলো। সেক্কে যিহূদী নেতাগুনে আমক্ ওইনে কলাক্,

যোহন 7:26

মাত্তর্ তে দঅ খুলোমেলা গুরি কধা কর্ অদচ নেতাগুনে কেঅ তারে কিচ্চু ন-কদন্। সালে ঘেচ্চ্যেক্‌গুরি কি তারা কোই পাজ্জ্যন্ যে, এ মানুচ্চোই মশীহ?

যোহন 7:28

সিয়েন পরেদি যীশু উবোসনা-ঘরত্ শিক্ষ্যে দিবার্ সময় রঅ ছাড়িনে কলঅ, “তুমি মরেয়ো হবর্ পঅ, আর মুই কুত্তুন্ এচ্চ্যং সিয়েন্-অ কোই পারঅ। তো মুই নিজোত্তুন্ ন-এজং, মাত্তর্ সত্য গোজেনে মরে পাধেয়্যে।

যোহন 7:4

যুনি কেঅ চান্ মান্‌জ্যে তারে জানোদোক্ সালে তে ভিদিরে ভিদিরে কিচ্চু ন-গরে। তুই যেক্কে এই বেক্ কামানি গরর্ সেক্কে মানুচ্চুনো মুজুঙোত্ নিজোরে দেগা।”

যোহন 8:2

তার্ কেল্যে বেন্ন্যেপোত্যে যীশু আরঅ উবোসনা-ঘরত্ যানার্ পরেদি বেক্‌ মানুচ্চুনে তা ইধু এলাক্। সেক্কে যীশু বুজিনে তারারে শিক্ষ্যে দিয়্যে ধুরিলো।

যোহন 8:26

তমা পৌইদ্যেনে কবার্ আর বিচের্ গুরি চেবার্ মর্ বোউৎ কিজু আঘে। মাত্তর্ যে মরে পাধেয়্যে তাইধু মিজে কধা নেই; মুই তাইধু যিয়েনি শুন্ন্যং সিয়েনি মান্‌জ্যরে কং।”

প্রেরিত্‌ 26:26

রাজা দঅ ইয়েনি বেক্কানি হবর্ পায় আর মুই তা সমারে বেক্‌ কধানি খুলোমেলা গুরি কোই পারং। আর এ কধাগান্ মুই ঘেচ্চেকগুরি হবর্ পাং যে, ইয়েনির্ কিচ্চু তার্ অজানা নয়, কারন এ বেক্‌ ঘটনাগানি দঅ ঘুমুরোত্ ন-ঘদে।