যোহন 18:13 - Chakma Bible

¹³ পত্তমে তারা যীশুরে হানন ইধু নেযেলাক্, কিয়া যে কাইয়াফা সে বজরর্ আজল্ ধর্মগুরু এলঅ হাননে এলঅ তার্ শোর্।

যোহন 18:13 ပူးပေါင်းရင်းမြစ်များ

মথি লেখ্যে গম্ হবর্ 26:3

সেই সময়োত্ দাঙর্ ধর্মগুরু কাইয়াফার ঘরত্ আজল্ ধর্মগুরুগুনে আর যিহূদীগুনোর্ বুড়ো নেতাগুনে এগত্তর্ অলাক্ আর যীশুরে গোপনে ধুরি আনিনে মারে ফেলেবার্ কুজুরোমি গুরিলাক্।

মথি লেখ্যে গম্ হবর্ 26:57

যিগুনে যীশুরে ধোজ্যন্ তারা তারে দাঙর্ ধর্মগুরু কাইয়াফা ইধু নেযেলাক্। সিদু ধর্ম-মাষ্টরুনে আর বুড়ো নেতাগুনে এক সমারে এগত্তর্ ওইয়োন্।

লূকে লেখ্যে গম্ হবর্ 3:2

হানন আহ্ কাইয়াফা এলাক্ যিহূদীগুনোর দাঙর্ ধর্মগুরু। ঠিগ্ এ সময়োত্ গোজেনে ধূল্যেচর-চাগালাত্ সখরিয়র পুয়ো যোহন ইধু তা কধাগান্ ফগদাং গুরিলো ।

যোহন 11:49

তারাত্তুন্ কাইয়াফা নাঙে এক্কো সেই বঝরত্ দাঙর্ ধর্মগুরু এলঅ।

যোহন 11:51

কাইয়াফা যে নিজোত্তুন্ এ কধাগান্ কোইয়্যে সিয়েন্ নয় মাত্তর্ তে এলদে সেই বজর দাঙর্ ধর্মগুরু। সেনত্তে তে আগাম্ কধা কোইয়্যেদে, যিহূদী জাদত্যে যীশু মুরিবো।

যোহন 18:24

সেক্কে হাননে যীশুরে বান্ন্যে অবস্থায় দাঙর্ ধর্মগুরু কাইয়াফা ইধু পাধেই দিলো।

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 19:11

যীশু জোব্ দিলো, “উগুরেত্তুন্ তরে খেমতা দিয়্যে ন-অলে মঅ উগুরে তর্ কনঅ খেমতা ন-থেদঅ। সেনত্তে যে মরে তমা আদত্ দিয়্যে তা পাপ্পান্ বেশ্।”

প্রেরিত্‌ 4:6

সিয়েনত্ দাঙর্ ধর্মগুরু হাননে এলঅ। সিগুন বাদে কাইয়াফা, যোহন, আলেক্‌সান্দর আর দাঙর্ ধর্মগুরুগুনোর্ পরিবারর্ অন্য মানুচ্চুনেয়ো এলাক্।